شيرين حمدى تكتب: نظام الطيبات نظام الخبائث

اولا .. ازاى نعتمد على البروتين الحيوانى فقط مع أن الاعتماد عليه بيسبب نقرس .
اما الفراخ فممنوعة ورب العالمين فى كتابه الكريم أشار لاكل لحوم الطيور (ولحم طير مما يشتهون ) ..
لكن اعتقاد الدكتور على اساس انها ممكن تكون محقونة .. لو حطيت المبدأ ده فطبقه بقي على كافة أنواع البروتين وايشعرفك أن الحيوانات ولحومها ما تحقتنش ..
ثانيا.. الرياضيين وكمال الاجسام يقوموا الصبح يشربوا اللبن بالبيض( الني) وما سمعناش عن أي ضرر حصلهم من البيض المدرج ضمن قوائم الممنوعات

ثالثا… وقفوا العلاجات واشربوا السجائر ده بأي منظومة علاجية هى مش السجائر دى بتسبب أمراض خطيرة فى الرئة وتصلب الشرايين وجلطات
ثم علاجات ايه اللى تقف الأنسولين وخلافه ازاى بيهدم دراسات عالمية دون علم كافى .لمجرد افكار ونظريات بدماغه
رابعا .. ازاى نقلل شرب المياه.. ده جسم الانسان أغلبه ماية وجعلنا من الماء كل شىء حى .. حيمنعها هو . لا اله الا الله
ده بخلاف التصريحات الأغرب على الاطلاق .. عن علاقة الزوج والزوجة وان الراجل ما بيخونش والست اللى بتخون وكلام عجيب ومضحك
ولا خدوا دى دكتور الاسنان مش دكتور ده فنى ما يرأس دكتور . ده من صعوبة البرانش انفصل عن كليه الطب وبقي كليه لوحده .. ليه ما درسوش اناتومى وفسيو وهستو
ما درسوش باثو وأورال باثو ورمد وجلدية .. وييجى يقولك دول فنى ..
ولا الصيدلي اللى طلع عينه فى دراسة البايو والفارماكولوجى ..
لا حول ولا قوة الا الله بالله