3 مليار دولار هدية لمصر قبل نهاية 2023.. يا ترى مين هيدفعهم؟

قلنا لحضراتكم قبل كده في أكتر من فيديو ان مصر شغالة كويس جدا في ملف الدولار وانها بتحاول في أكتر من اتجاه لحل أزمة نقص العملة اللي الاقتصاد بيعانى منها من مارس 2022 وتحديدا من بعد الحرب الروسية الأوكرانية .. وأكدنا لحضراتكم مرات كتيرة ان الخير جاي وان الأيام الصعبة اللى عاشتها مصر هتعدي على خير زي ما عدت أيام أكتر صعوبة قبل كده.. ليه بنقول الكلام ده دلوقتي ؟ وايه مخلينا متفائلين كده؟ ده اللى هنعرفوا فى هذا التقرير  لبوابة ” المدن الجديدة” .

أيمن الزغبي مدير التجارة والاستثمار وتمويل الشركات بالبنك الإفريقي للاستيراد والتصدير “أفريكسيم بنك”، زف بشرى سارة للمصريين في الساعات الأخيرة وأعلن ان البنك بيعمل حاليا على إتاحة تمويلات لمصر بقيمة 3 مليار دولار هتوصل مصر في النص التاني من العام الجاري.

الزغبي كشف ان محفظة مصر في “أفريكسيم بنك” حاليا بتبلغ نحو 7 مليار دولار بتمثل ما يقرب من 20% من إجمالي القروض ومحفظة البنك الكلية البالغة 34 مليار دولار في غالبية القطاعات الاستراتيجية.

وبيعمل البنك الإفريقي مع العديد من الشركات المصرية العملاقة لتعزيز تواجدها في الدول الإفريقية وزيادة صادرتها للدول دي.
وحصلت مصر على تمويلات بقيمة 20 مليار دولار من أول إنشاء البنك ولحد دلوقتي وغالبية التمويلات دي حصلت عليها مصر في آخر 7 سنينن وتركزت في قطاعات استراتيجية وحيوية زي الكهرباء والغاز والبترول والصحة والإنشاءات.

وساهم “أفريكسيم بنك”في حصول العديد من الشركات الإفريقية على عقود في قطاع البنية التحية في العديد من الدول الافريقية بقيمة تفوق الـ 12 مليار دولار، نصيب الشركات المصرية منها كان حوالى 6 مليار دولار.

وفيه مفاوضات بتتم دلوقتى مع الحكومة المصرية للانضمام لنظام الدفع والتسوية اللي أطلقه أفريكسيم بنك في يناير 2022، بهدف تعزيز التبادل التجاري بين الدول الإفريقية وزيادة الصادرات وتقليل الاعتماد على العملات الأجنبية والدولار في عمليات التجارة البنية