وجعك سيدتي
محدش بيشوفه…
ولا يعلمه إلا الله
فرفقا بالقوارير
خلوني اشرحلكم شعور بسيط بس قادر انه يدمر الست اللي طول الوقت بتحارب الدنيا علشان تعرف تكمل
هقوللك كلمتين وحطيهم حلقه في ودنك يا بنتي

إنك تفضلي موجود ه في حياة ناس، تدي لهم من وقتك، ومشاعرك، واهتمامك، وتستحملي
عشان خاطرهم والمركب تمشي، وفي الآخر تكتشفي إن وجودك عادي ومش فارق
وأسوأ من الوجع… إن حد يسيء الظن بيكي من غير ما يعرف قد إيه عملتي حاجات حلوه ولا كام مرة سكتي، وعدّيتي وممكن كمان، وضحّيتي من غير ما تتكلمي
في الحاله دي
تفضلي مستني كلمة، اهتمام، سؤال بسيط يطمنك إنك فارقه..
لكن كل اللي بيرجعلك هو الصمت.
ومع الوقت…
بتبطلي تعاتبي، وتبطل تشرحي، وتبطلي حتى تزعلي
مش لأنك اتغيرتي
لكن لأنك تعبتي
تعبتي من إنك دايمًا الطرف اللي بيفهمواللي بيسامح، والطرف اللي بيجبر بخاطر غيره، في وقت محدش حاول يجبر بخاطرك.
وساعتها بتتعلمي درس مهم…
إن اللي يقدّرك، عمره ما هيخليكي تحسي إنك حمل تقيل عليه.
وإن اللي بيحبك بصدق، عمره ما هيخليكي تشحتي اهتمامه، ولا يسيبك كل مرة تحاربي عشان تحافظي على مكانك في حياته.
اصل في الخلاصه ان
مش كل البعد قسوة…
البعد بيكون احترام للنفس
أصعب إحساس مش إنك الناس نمشي وتسيبك
أصعب إحساس إنك تفضلي موجودة بكل حبك،وطاقتك وتلاقي وجودك زي غيابك مش فارق

دايما بقول استوصوا بالنساء خيرا