يارا حمدى صالح تكتب : متخافش تبقى نفسك

“مش عارف، مش متأكد، خايف، ..خايف ..

متخافش تبقى نفسك…خاف تبقى زيهم
اختلافك اصله نور ..بيشق عتمت جهلهم…

احلم، اتمرد على العادي و المتكرر
اوعى المتعاد، اطلع برة الصف، اتحرر

هيقولوا عليك مجنون، مغرور او فاكر نفسك مين
فاشل و كافر بقوانين البني ادمين

ما انتش صورة بتتزوق ، رافض للزيف و الكدب
عاوز تبقى نفسك، سامع صوتها بيزعق و يدب

المستحيل جواه الممكن بس احنا بجد نعوزه
يا جمال لحظة لمسه، الله على لحظة فوزه.

وهيقفوا يصقفوا لك، هغيروا كل كلامهم
و هتبقى سيد العاقلين، هههه هتبقى قدوه لعيالهم

( عرفت ليه بقى !!! اوعاك اوعاك)

متخافش تبقى نفسك، خاف تبقى زيهم
اختلافك اصله نور، بيشق عتمت جهلهم