لقاء الخميسي بعد أزمتها مع زوجها : “اختبار الدنيا مش سهل وعايز صبر”
علقت الفنانة لقاء الخميسي عن أزمتها مع زوجها محمد عبدالمنصف في أول تعليق رسمي لها، حيث قامت بنشر ستورى عبر حسابها الرسمي على موقع تبادل الصور الفيديوهات إنستجرام .
منشور لقاء الخميسي
وقالت لقاء الخميسي في منشورها: “دائمًا وأبدًا الدنيا بتختبرنا وبتضغط علينا وبتغير حياتنا من حين لآخر وبتلخبطنا، ساعات بنحقق أحلامنا وساعات بنتوه في الزحمة وبنتنسي، بنقابل ناس نحبهم ونقابل ناس مش بتستلطفنا، وناس بتحاربنا وناس تانية بتطبطب على قلوبنا وناس بتعاندنا وتحاول تكسرنا، لأنهم هما نفسهم مكسورين ومش عارفين يصدقوا في نفسهم حتى وهما بيحققوا اللي قرروا أنهم يحققوه وحتى وهما ناجحين”.
وأضافت: “اختبار الدنيا مش سهل بالعكس دا عايز صبر ونفس طويل علشان في آخر الطريق نعرف إحنا في الدنيا ليه وإيه هي مهمتنا الأساسية غير إن إحنا نطور من نفسنا ونتعلم الصبر ومانضايقش أي إنسان حتى لو هو قرر يضايقنا، السماحة ليها معنى كبير، في النهاية، إحنا هنا علشان نحب، نفكر، ونتعلم وفي آخر الطريق هانعرف إيه هي حكمة وجود كل إنسان فينا”.
