ستر الله وحمايته .. حين يكون ستر ربنا هو الحماية
بقلم ياسمين شفيق
في أوقات كتير من حياتنا بنمر فيها بتجارب تقيلة، تجارب بنبقى فيها موجوعين اوى وتايهين ومش فاهمين ليه ده
بيحصل لينا ومعانا ولا ليه ربنا سمح بالوجع ده يحصل.
وقتها السؤال التلقائى اللى بيجى فى تفكيرنا ودماغنا: هو ربنا شايفني هو ربنا حاسس بيا وبوجعى وألمى؟
والحقيقة اللي مهما حصل هتفضل هي هي، إن ربنا عمره ما كان بعيد عننا ولا مش شايفنا، ولا سايبنا لوحدنا. ربنا موجود معانا دايما. ساترنا وحامينا وواقف معانا وساندنا فى كل الأوقات حتى فى الأوقات اللى بنكون مش شايفينه وشايفين بس الالم والوجع.
ستر ربنا مش بس هو إنه يمنع عننا التجربه لكن أحيانًا ستره الحقيقي بيكون إنه يخلينا نعدي التجربه من غير ما نتكسر او نفقد إيمانا ممكن يسمح إننا تقع لكن نرجع نقوم من تانى إننا نتوجع بس ما نضيعش.
إننا نغلط ونخطئ بس نرجع نتوب من غير ما ننفضح كل ده هو فعلا ستر ربنا علينا وحمايته لينا.
كم مرة عدت علينا حاجات صعبة اوى وتجارب مؤلمه وبعدها بفترة شوفنا ستره وسندته لينا وقتها وقت التجربه والشده وساعتها فهمنا إن اللي حصل معانا كان أهون بكتير من اللي كان ممكن يحصل؟
كم مرة ربنا سترنا في لحظات ضعفنا، وكم مره غطى علينا ومفضحناش وإدانا فرصة تانيه إن نرجع ليه وننصلح ونتوب بدل ما كنا ممكن نضيع ونهلك؟
ستر ربنا هو نعمة مخفيه فى حياتنا غير مرئيه لكنها بتفرق كتير في حياتنا ومن غير النعمه دى احنا محكوم علينا بالضياع.
الحماية اللي ممكن تيجي في صورة منع
إحنا دايما بندعي ربنا يدينا حاجات معينه او يحقق لينا حاجات نفسنا فيها اويفتح لينا باب معين بس أوقات برضوا ربنا بيمنع عننا طلبتنا دى ووقتها مش بنكون فاهمين ليه ونفضل نعاتب عليه ومكن نغضب ونزعل منه ونخاصمه وندخل فى صراع معاه وده عشان إحنا مش فاهمين إن حمايه ربنا ممكن تكون في المنع مش في العطاء.
ربنا ممكن يمنع عننا طريق كنا فاكرينه هو طريق خير ونجاة لينا لكن هو في الحقيقة كان طريق هلاك وضياع
.
ربنا ممكن يشيل من حياتنا شخص كنت متعلقين بيه جدا لكن هو شايف وجوده فى حيانتا كان هايكسرنا ويكسر قلبنا أكتر مع مرور الوقت.
ربنا ممكن يقفل باب كنا شايفين فيه إنه باب خير وفرح لينا لكن هو شايف إن وراه وجع كبير وخسارة أكبر لينا.
فى الأوقات دى إحنا بنبص تحت رجلينا بس وبنشوف اللحظه اللى إحنا فيها لكن ربنا بيكون شايف الصورة كاملة بعلمه المسبق شايف البداية والنهاية شايف الأذى اللى ممكن يحصلنا ووقتها هو اللى بيختار لينا عشان يحمينا ويستر علينا حتى ولو ده ها يألمنا ويوجعنا.
ربنا ما بيسيبناش في التجربة لوحدنا
كلنا اكيد عارفين ومتأكدين إن أي تجربة بتمر علينا هى بتكون بسماح من ربنا وإن ربنا مابيسمحش بيها تحصل
