ياسمين شفيق تكتب: الحب الحقيقى
في الحب الحقيقى مفيش حد بيمسك إيدك ويفلتها.
اللى عايزك فى حياته عمره ما يسيبك تخرج منها، حتى لو إنت اللى بتحاول تبعد هيبان ده فى كل تصرف منه
إنك مهم وإن وجودك عنده مش عادي.
الحب مش تمثيل، ولا هو قسوة مصطنعة ولا إهمال ولا اختفاء مقصود. اللى بيحب بجد بتشوفه قبل ما تسمعه. فى نظراته واهتمامه وخوفه عليكِ، وفى طريقته وهو بيقرب منك خطوة خطوة من غير ما يطلب إذن منك.
واللى يحس بيك ويحبك بجد هيقلب الدنيا علشان يفهمك ويعرف إنت بتحب إيه وبتكره إيه،وايه هو اللى يفرحك ويفرحك بيه بأفعاله قبل كلامه.
لأن الحب مش كلمة بتتقال، دي حالةبتتعاش وإحساس بيخطفك فجأة من غير سبب، ومن غير ما تلاقي تفسير ولما حد يسألك انت حبيت فلان ليه ؟
تلاقي نفسك بتقول لأسباب كتير اوى قلبي راحله
الحب مش بيستأذن وهو داخل.
يا يدخل بقوة ويغيرك يا يبقى مجرد إحساس عابر ومايعتبرش وقتها ان ده حب حقيقى .
فخدها نصيحه
الحب اللى بجد هو راحة القلب والأحساس بالأمان والأهتمام من غير طلب، والدفا ووجود ثابت مبيتهزش مهما حصل الحب اللى بجد مايوجعش ابدا الحب هو الوفاء بالوعود الحب اللى بجد هو اللى يتشاف بالافعال مش يتسمع بالكلام.
