مهزلة القطط في نادي الصفوه بالاسكندريه.. اطفال يتعرضون للخربشه والعقر.. والاداره صامته!
كنبت – الاعلامية مروة التنير
في مشهد اصبح مالوفا ومؤلما في نفس الوقت ؛ تحول نادي الصفوه بالاسكندريه من مكان ترفيهي يفترض إنه امن للاطفال والعائلات
الي ما يشبه محميه طبيعيه للقطط..
القطط في كل مكان داخل النادي ؛تتجول بحريه وتتكاثر دون رقابه ؛وبعضها اصبح عدوانيا لدرجة الخطر؛ مما تسبب في إصابات متكرره بين الاطفال وصلت لي بعض الحالات الي العقر والخربشه .
ماساه مستمره منذ سنوات :
القصه مش جديده ابدا
دي مشكله مستمره من اكتر من ٧ سنوات
والمشكله دي موجوده ومستمره وقد شهدت مستشفي راس التين ومستشفي جيهان
علي عشرات بل المئات من حالات عقر وخربشه من القطط
وكلها موثقه رسميا بتطعيمات وتقارير طبيه
يعني مش اشعات دي تقارير طبيه موثقه…
ورغم الشكاوي المتكرره من الاعضاء
ورغم المناشدات الي بتتكتب علي جروبات النادي
الاداره الحاليه مش قادره تسيطر علي الوضع
ولا قدرت توفر بيءه امنه للاطفال
بل الاسوا من كده فيه جروب بيجمع تبرعات للقطط كل شهر بآلاف الجنيهات
والموضوع بقي ليه ناس تقيله وبيتم التعامل معاه كان النادي محميه طبيعيه مش مكان عام !
طيب فين اولويات الاداره ؟
فين احترام شكاوي الاعضاء ؟
فين دور الجهات المسؤولة في الرقابه علي الاماكن الي بيقضي فيها الاطفال وقتهم ؟
مش منطقي إن نادي عريق في الاسكندريه يتحول لبوءرك خطر بسبب الإهمال ,؛
خصوصا لما يوصل الامر لإصابات متكرره في اطفال لا تتعدي اعمارهم سنتين وثلاث سنين !!
ده مش مجرد ازعاج ..
دي مسوءليه قانونيه واخلاقيه .
