خلود محمود تكشف حكاية : الست النصابة !!
من فترة في واحده بعتتلي هنا من الفيس بوك تطلب مساعدة إنسانية ومادية وأنا ساعتها بفضل الله ساعدتها وادتها رقمي لو احتاجت حاجه وهي فضلت مستمرة تبعتلي ولكن كل مرة بزن كتير وبطريقة مستفزه وكل مره تصعب عليا وابعت واحط مبررات ..ولكن بشكل ما او اخر اكتشفت من خلال جروبات بتنزل حالات مساعدة ان الست دي نصابه كبيرة ومفيش اي حاجه من دي عندها وبلاش حد يساعدها وتحذيرات كتير عنها وانها بتبعت لناس كتير بنفس الطريقة
انا كنت حاسه ولكن كدبت نفسي لأن طريقتها كانت غريبة ولكن قولت خلي نيتى لله ..وبعد ما عرفت انها نصابه اعتذرت منها بشكل مهذب اني مش هينفع اساعدها تاني وقولتلها الجروبات بتكتب عنك كده اثبتى احقيتك بالمساعدة او استغفري ربنا لذنبك وعملت بلوك …
اتفاجىء بعدها انها بتبعتلي رسايل في كل مكان من اكونتات مختلفة وعلى الواتساب تشتمني وتدعي عليا
وكتبت ليا تعليقات كتير هنا من اكونتات fake على البوستات public بتاعتي بتشتمني وتدعي عليا وكلام غريب جدا
أنا الحقيقة مصدومة جدا ومش مصدقة أن في حد أنت ساعدته ووقفت جنبه دون ان تعرفه يعمل كده
حتى دون أن تأذيه
الخلاصة أني فعلا اتعلمت مقدمش مساعدات لأي حد دون التأكد وتكون على دراية كاملة بالحالة
وبعتبر ده برده تحذير للناس اللي زي حالاتي .
