الاعلاميه هبه الألفي تكتب: كان الله في عون الراجل
الراجل
صدقوني انسان عادى و بيحس
محدش قال انه انسان ألى ولا مكينه BTM
ف معتقد بعض السيدات ان الراجل اتخلق لشيل المسؤليه فقط.
وان من دوره الاهتمام و الاحتواء و ماينساش
اى مناسبه
واخدين بالكم اى مناسبه
يعنى مثلاً من واجباته ماينساش عيد ميلاد مراته دا يوم اساسي فى حياته 
طب وانتى يا عسليه مش من حقه برضه يحس انك فاكراه و مهتميه باليوم دا
تعالوا بقي للفلانتين اللى خرب البيوت
و كأن الراجل هو بس اللى المفروض يهدى حبيبته
على فكره الفلانتين مرتبط بالاتنين
طب عيد جوازكم
قسماً بالله اللى اعرفه ان الاتنين مسؤلين عن الحادثه دى
يعنى الزوج ماعملش كل حاجه لوحده و اتزف لوحده و مضى على عقد الجواز وحده و انتى
اتفاجئتى نعقل الامور يا غاليه
يعنى الهدايا مشتركه
طب واحده تسالنى و تقولى يا استاذه هبه
اعمل ايه؟
تعالى اقولك…
ممكن بحاجه بسيطه تعمليها ف البيت زى
تورته او كيكه و متنسيش انتى كمان هتاكلى معاه
اى نعم
الدقيق و السكر و اللبن و الزبادى و البيض و
السمن و الخ غاليين يمكن الهديه ارخص
بس المهم عملتى اللى عليكى
واحده تقولى عملت و مقالش حتى تسلم ايديكى
هقول لحضرتك ادخلى نامى و بلاها كيكه
اقولك اعملى نفسك من بنها
و لما تلاقى ناس تانيه مهتميه بجوزك اياكى تفتحى بوقك
على فكره الراجل الحقيقي و الكريم و صاحب قلب جميل بكلمه بسيطه يومه و موده
يختلفوا
بحضن و خوف عليه من التعب يشعر براحه
و يقدر يواصل حياته و يكون فرحان بالحب و الاهتمام
الراجل محتاج حضنك زى ابنك مش معنى انه راجل البيت يبقي حقه ضايع فى الحنيه
المهم
انك تحتوى جوزك و بيتك و بلاش الزعل بسبب انه بينسي عيد جوازكم
كنا مع تعديل الاعياد من منظور المتزوجين
تحياتى للجميع وخصوصاً الرجاله الله يكون فى عونكم يا غاليين
