آلاء فرغلي فوزي تكتب: الطريق كل يوم امتحان والأرواح بتدفع الثمن

 

“نزل من بيته عادي وما رجعش”.. جملة بقت بتتكرر بشكل مؤلم مع حوادث الطرق اللي ما بقتش مجرد خبر عابر، لكنها هم يومي بيهدد أي مواطن وهو خارج لأي مشوار.

الحوادث في الشوارع المصرية بتتنوع من اصطدام سيارات صغيرة، لانقلاب تريلات على الطرق السريعة، لحوادث موتوسيكلات واسكوتر في الأحياء. والنتيجة في الآخر واحدة: ضحايا بيدفعوا حياتهم، وأسر بتتفاجئ بخبر صعب.

عدد من الأهالي أكدوا إنهم بقوا يقلقوا قبل أي مشوار، حتى لو بسيط، بسبب مشاهد الحوادث اليومية. “الموضوع ما بقاش في التأخير.. الموضوع إنك مش ضامن ترجع بالسلامة”، كده وصف أحد المواطنين إحساسه.

الخبراء شايفين إن المشكلة مش في نوع المركبة أو الطريق، لكن في غياب الالتزام بالقواعد المرورية، مع ضعف الرقابة والتنظيم. وكل ما ييجي الحديث عن حلول، يفضل السؤال معلّق: إمتى المواطن ينزل الشارع وهو حاسس بالأمان؟

مقالات ذات صلة

اترك تعليقاً

زر الذهاب إلى الأعلى