دينا كرم الدين تسأل وزير السياحة: يا ترى أخبار السياحة ايه ؟!!
تصريح مبدع الصراحه جدا
برافوا
إللا أخبار السياحه ايه سعادتك ؟؟؟
هو معالي الوزير شايف إن فيديو شاب ذكي حاول محاوله يروج لمصر باستخدام أحدث أدوات العالم بقى جريمة؟!بجد !! دا حقيقة!!
طيب اسمحلي أسألك
إنتو في وزارة السياحة عملتوا ايه ### ؟؟؟عملتوا إيه غير المؤتمرات والتصاريح اللي مش بتجيب سائح واحد؟!
السياحة مش بتيجي بالشعارات السياحة بتيجي بفكر جديد وإبداع وتسويق عالمي.
الولد اللي حضرتك اتهمته بالسرقه وبتسخر منه عمل لمصر أكتر من حملاتكم المكلفة اللي ماحدش شافها.حتى لو مش على قد المستوى بس هو فكر فى بلده وبيدعمها من غير مقابل
اللي يضحك فعلاً إن بدل ما تدعموه حبستوه وطلعتوا تصريح أغرب من الخيال !!!محاربة الجيل الجديد شئ غريب جدا بدل ما تدعموا أي فكرة خارجة عن الصندوق بتكسروا صاحبها وتحبطوه
يعني ببساطة:أنا شايفه على المستوى الشخصي
هو جاب فكرة.
أنتو جبتوا إحباط.
هو حاول يسوّق.
هو اشتغل ببلاش.
إنتو صرفتوا ملايين ومافيش نتيجة مرضية
هو حاول يلمع صورة مصر.
إنتو لمعتوا صورتكم كوزارة خايفة من أي حد يبان أذكى منها
السؤال البسيط: لو مش عاجبكوا الإبداع.. طب فين إبداعكم؟!
السياحة المصرية لسه بتتباع على إنها أهرامات وأبو الهول بس كأن مافيش حضارة ولا كنوز تانية.
المنافسين حوالينا (تركيا – الإمارات – المغرب) سبقونا بمراحل في التسويق رغم إننا أغنى تاريخ وأقوى محتوى.انتم بدل ما تعملوا مسابقة وطنية للأفكار تدعوا فيها الشباب يبدعوا اخترتوا تكسروا أول واحد بادر بفكرة.
إن المبدع يتحبس بينما الفاشل يترقى ويطلع يتكلم عن الإبداع اللي عمره ما شافه.
الحقيقة المرة:
إنتو مش خايفين من قلة الإبداع في فيديو عبد الرحمن… إنتو خايفين من زيادة الإبداع اللي يفضح تقصيركم.
يعني بدل ما تبوسوا راسه على فكرة مجانية جابت ضجة قررتوا تدفنوا الفكرة وتدفنوا معاها صورة مصر
لنا الله