هدى المفتي تكشف طوحها في الزواج ومحدش بيتقدملي خالص
كشفت الفنانة هدى المفتي، عن حقيقة إقبال العرسان عليها للزواج، وإذا كان الزواج ضمن طموحاتها، أثناء حلولها ضيفه في برنامج “صاحبة السعادة”، التي تقدمه الإعلامية إسعاد يونس، عبر شاشة قناة dmc.
وقالت هدى المفتي: “بوضوح عمري ما جالي عريس!، ولا واحد، لا من صاحبي ولا من صديق ولا من أي حد، اللي بييجوا هما بس بتوع رسائل إنستجرام، اللي بيبعتوا حاجات غريبة كده، لكن عريس حقيقي، لأ ما حصلش”.
وأضافت هدى المفتي، قائلة :”أنا عارفة عايزة إيه من بدري، وأنا صغيرة، كنت دايمًا كده واضحة، عارفة أنا عايزة إيه، وكان عندي أحلام كتير نفسي أحققها”.
وتابعت هدى المفتي، قائلة :”الجواز عمره ما كان من ضمن طموحاتي، والدي كان دايمًا يقولنا ما تتجوزوش، انجحوا الأول”.
وأكملت هدى المفتي، قائلة :”والدي كان بيقولي الست مش محتاجة تتجوز غير لما تكون فعلاً عايزة، لكن أمي كانت العكس تمامًا، اللي هو البنت والجواز، وتسألني هو مفيش حد خالص؟”.
وأردفت هدى الفتي، عن أكثر شائعة تعرضت لها وأزعجتها، قائلة :”مش بقدر أقول إني بتضايق قوي من الإشاعات، لأني مش بديها ودني أوي، ومش بيبقى عندي مشكلة كبيرة معاها بس يمكن أكتر إشاعة أثّرت فيّ بشكل سلبي كانت إشاعة أغنية البخت”.
وتألقت هدى المفتي، في دراما رمضان الماضي 2025، الذي حققت خلاله نجاحًا كبيرًا، من خلال مسلسل “80 باكو”، الذي عُرض في النصف الأول من شهر رمضان، إذ العمل الدرامي يتكون من 15 حلقة.
