المستشارة هدى الخضراوي تكتب: قانون السماء أولا والمخرج حتمي

قانون السماء التقوى أولًا والمخرج حتمي ومن يتق الله يجعل له مخرجا .. مش جملة محفوظة ولا وعد بارد دي قاعدة ربانية فوق كل حسابات البشر لما تحس الدنيا قفلت لما تحس الناس اتبدلت لما الحاجات اللي كنت شايفها ثابتة تنهار قدامك افتكر دايمًا إن فوق كل ده في رب وعدك لو اتقيته يفتحلك باب محدش يقدر يقفله

التقوى مش كلام سهل التقوى فعل وموقف واختيار تختار تقول لا للغلط حتى لو تمنها تعب تختار تقول لا للظلم حتى لو اتهاجمت تختار تقول لا للعلاقات المسمومة حتى لو فضلت لوحدك اللي بيتقي ربنا مش بيخسر بالعكس هو اللي بيربح نفسه بيربح راحة قلبه بيربح كرامته بيربح ستره وأهم حاجة بيربح وعد ربنا اللي محدش في الكون يقدر يمنعه

الدنيا ساعات تحسسك إنك ضعيف مغلوب عليك بس اللي بيتقي ربنا دايمًا عنده مخرج ربنا بيفتحله طريق وسط السواد وسط الهم وسط الخسارة المخرج مش لازم يكون بالشكل اللي انت عايزه المخرج ساعات يكون إنك تتعلم الدرس قبل ما تتكسر المخرج ساعات يكون حد يتشال من حياتك كنت فاكره الأمان وهو مصدر وجعك

المخرج ساعات يكون رزق يجي من حيث لا تحتسب المخرج ساعات يكون ربنا يكشفلك مين ليك ومين عليك علشان تحط حدود وتكمل الطريق وأنت مرتاح التقوى مش رفاهية التقوى مش لوقت الصلاة وبس التقوى قرار يومي إنك تعيش بنظافة قلب وتعب ضمير بس في المقابل ترتاح وتشوف بعينك وعد ربنا بيتحقق

الدنيا كلها بتتلخبط حوالينا ناس بتخدع ناس بتتغير ناس بتبيعك في ثانية بس فوق كل ده في رب حافظ وعده وعدك لو اتقيته هيفتحلك مخرج ولو مشيّت في سكته هيحفظك ولو اخترت التقوى هيكرمك فوق ما تتصور افتكر دايمًا ومن يتق الله يجعل له مخرجا انت بس امشي صح وربنا مش هيخذلك أبدً