هبة غنيم تكتب: أسامحك !! طب ازاي ؟
– اسامحك !! طب ازاي ؟
= عشان انت طيب و قلبك ابيض وبتسامح
– ممم… طب انا موافق اسامحك عشان طيب وقلبي ابيض زي ما بتقول
– ادا .. بجد ؟
= اه بجد .. بس قبل ما اسامحك هطلب منك طلب ..
= اه طبعا ..اتفضل اكيد
– رجعني زي ما كنت الاول وانا هسامحك
= يعني ايه ؟
-انا هقولك يعني ايه ! ..رجعني لروحي و نفسي اللي بحبها .. رجعني لطبيعتي و برائتي .. رجعني مطمن وبثق في الناس .. رجعني بشوف الحلو في اللي قدامي مش الوحش .. رجعني مش خايف من اللي الجاي وخايف اني اقرب من اي حد .. رجعني زي ما كنت متخيل ان فيه في الدنيا دي ناس بتحب و تصون ..
…….. =
– سكت يعني ! .. صعبه صح ؟ : )
بص انا مش هقولك غير كلمة واحدة.. (سبني في حالي ) و قبل ما تفكر في نفسك وتطلب اسامحك لازم تعرف ان جرح القلوب وكسر الخاطر والنفس مش هينة و اكبر من كلمة مسامحك دي اللي انت جي بكل بساطة تطلبها
