هداء الجالي تكتب : مغزى عملية ايران المخابراتية

التقارير الاعلاميه اللي بتتكلم النهارده عن عمليه مخابراتيه لإيران استحوذت فيها علي وثائق ومعلومات مهمه بتخص النشاط النووي الاسرائيلي ، تخلينا كده نقف كتير ونفكر بره الصندوق

ونسأل اول سؤال واهم سؤال هل في دوله في العالم بتعلن عن عمليه استحواذ علي معلومات سريه من دوله اخري قبل فحصها أو التأكد منها أو دراستها وامكانيه استخدامها سواء سياسيا أو عسكريا أو أمنيا أو أي نوع استخدام يصب في مصلحتها ؟؟

الاجابه بالقطع اه ممكن جدا وفي امثله كتير من التاريخ علي التحصل علي معلومات غايه في السريه وإعلانها بسرعه قبل اتخاذ قرار بكيفيه الاستفاده منها واكبر مثال كان تحصل المانيا في الحرب العالميه التانيه علي برنامج تشفير بريطاني للتواصل العسكري ومن خلال الاختراق ده أعلنت بسرعه وقدرت تعرف اهداف بريطانيا الاستراتيجيه والعسكريه ضدهم

لكن فيما يخص إيران ايه اللي ممكن تستفاده إيران من الإعلان السريع عن العمليه وبمعني أدق توقيت الاعلان بسرعه في الفتره الحاليه قبل الفحص والتأكد

للاجابه عن السؤال ده خلينا اقول ليكم مثل مصري بيقول اوعي تحط صباعك تحت درس حد

وبنفس المبدأ لو اجبرتك ظروفك يبقي اللي صباعك تحت درسه حط انت كمان صباعه تحت درسك انت

وهو ده الاجابه النموذجيه بلغه بلدي يعني الاعلان عن العمليه في التوقيت الحالي هو عمليه اخري اهم منه

بتضع إيران فيها اسرائيل في مأزق استخباراتي وأمني خطير

فلو كان اللي تحصلت عليه إيران معلومه واحده وليست معلومات عديده ولا وثائق عديده فالمعلومه الواحده بتمثل طعنه في قلب الكيان

فمن الممكن استخدام المعلومه في مفاوضات إيران مع أمريكا واستخدامها ذريعه قويه أن اسرائيل هي الأخري تخصب يورانيوم أو تستخدم نشاط نووي معين يضر بالمنطقه واللي آخره من ادله معروفه ولكن غير معلنه

لكن هل ممكن تفيد استخدام تلك المعلومات في المفاوضات للضغط وهل ده مقصد الاعلان الإيراني من العمليه في التوقيت ده

الحقيقه استخدام المعلومات في المفاوضات غير مجدي وده بمبدأ أن السلاح النووي أو النشاط النووي للكيان هو نشاط امريكي فهل يعقل أن الأمريكان يتنازلوا عن سلاحهم بالمنطقه

بالقطع لا بل من الخيال أن نتصور أن ده يحصل ويحجموا النشاط ده

لكن ايه المقصد الإيراني الحقيقي من الإعلان

انا في وجهه نظري الشخصيه أن المعلومات دي تحصلت عليها إيران فعلا من فتره ودرستها بدقه وتعلم كل شئ فيها لكن مش بالحجم المعلن وده مش لأن الكيان مخابراته لاتخترق وقويه

لا طبعا ، لأن علي حسب المتداول إعلاميا أن في عدد كبير من الوثائق والصور للمواقع وغيرها وده محتاج وقت طويل وغالبا سنين كتيره ومينفعش يتم استخدام كل المعلومات دفعه واحده

غير لو مات العميل بقي أو اكتشف أو انتهت العمليه من وقت كافي ده في حاله لو كانت بالحجم الكبير المعلن مش مجرد معلومه او بضع معلومات

فهنا لازم نقول إن المعلومات اللي تحصلت عليها إيران بالتأكيد مهمه لكنها ضربه سريعه وتمت ومن فتره وانتهي امرها

المقصد الحقيقي للاعلان عن العمليه هو شئ اخر اخطر وهو لاعب آخر في المنطقه سيدخل السباق من باب كانت إيران تصنع مفتاحه بمشروعها النووي المعلن بينما اسرائيل قد صنعت مفتاحه أيضا من مشروعها النووي غير المعلن ويلوح البعض إعلاميا أو في مؤتمرات أو غيره بصناعه مفتاح تالت

فايران هنا لاتعلن عن العمليه الحساسه حتي تضغط في مفاوضاتها فقط لكنها تعلن حتي تضع الباب في مرمي كل من لوح مسبقا بامتلاك النووي مثلها وتضع نظريه جديده

أما شرق أوسط خالي من السلاح النووي واولهم اسرائيل وأما باب للنووي يتصارع عليه كل من لوح مسبقا

ومايؤكد وجهه نظري أن وزير خارجيه مصر طالب اسرائيل أن تشارك في معاهده حظر الانتشار النووي في الشرق الأوسط ودعت مصر لشرق اوسط خالي من الاسلحه النوويه

فمشاركه مصر في المفاوضات الايرانيه الامريكيه حتي تغلق هذا الباب الذي سيهب منه علي الشرق الأوسط رياح الدمار

فايران التي لااصدقاء لها بالمنطقه تطمع في صدق مصر تجاه تأمين المنطقه وغلق هذا الباب لأنها تعلم جيدا أن الضامن الحقيقي

للسيطره علي انفلات الأمور في الشرق الأوسط هي مصر

وهنقولها تاني مش بس لان مصر فعلا دوله قويه شئت أو أبيت أو سواء أردت الاعتراف بده أو انكرته أو صورت ليك الظروف الاقتصاديه أن موقف مصر في صناعه السياسيات الخارجيه ضعيف

لا لان مصر فعلا بتصنع سياسيه قويه لمن يفهم ويعي تحركاتها الحقيقيه ولسبب تاني مهم بعيدا عن قوتها السياسيه

وهو تأثيرها الجيواستراتيجي بالمنطقه كلها

فلو قدرت دوله تالته أو حتي رابعه بالمنطقه أن تخوض سباق التسلح النووي مع ايران واسرائيل فهنا احنا قدام مثلا تلات دول نوويه في عداء لبعضهم لأن طالما تسلحت بيه يبقي انا ضد غريمي المتسلح هو كمان ، فدور مصر في الحاله دي هو دور بيفرضه عليها جغرافيتها ومكانتها الاقليميه والتاريخ اللي صنعها ومازال بيصنعها

فدورها هيبقي المقوم اللي لازم يظبط اعوجاج خطير في الأمن الاقليمي وقدرتها أنها توقف قطار الشبح النووي بمساعي سياسيه

وده اللي لازم نفهمه ليه مدير الوكاله الدوليه للطاقه الذريه التقي هنا بوزير الخارجيه الايراني في القاهره وإعلان مصر أنها تسعي أنها تقود مساعي أن يكون الشرق الأوسط خالي من الانتشار النووي

لكن بالنسبه لإيران فهي باعلانها المثير وكأنها في تحدي لعبه الحبار

المراهنه عندها عاليه جدا لاختيار لاعب مقصود