أول تعليق من مرتضى منصور على انتقال زيزو للأهلي

انتقال زيزو للأهلي .. تحدث مرتضى منصور رئيس نادي الزمالك السابق، عن أزمة تجديد عقد زيزو مع القلعة البيضاء وانتقاله إلى الغريم التقليدي الأهلي في فترة الانتقالات الصيفية القادمة.

أول تعليق من مرتضى منصور على انتقال زيزو للأهلي

وقال مرتضى منصور في تصريحات صحفية: “الأزمة الحالية مش أزمة زيزو ولكن هي أزمة نادي الزمالك اللي مخطوف من مجلس الإدارة، وهعمل مؤتمر صحفي قريب هتكلم فيه عن ملفات مهمة جدًا لازم الجمهور يعرفها.”

وعن انتقال اللاعبين من الزمالك إلى الأهلي قال: “صفقة بن شرقي ضربة قاتلة أكتر من زيزو والجماهير كانت مسمياه بن قلبي، في فترة رئاستي للنادي الأهلي مخدش مني ولا لعيب بشكل مباشر، كهربا راحلهم من النادي البرتغالي، ومؤمن زكريا كنت واخده إعارة من إنبي وإعارته خلصت وبعدين الأهلي راح اشتراه”.

وتابع: “قبل ما كهربا يروح الأهلي كسبنا في ملايين لما طلع إعارة لاتحاد جدة السعودي، واحنا أصلا دافعين فيه 7 مليون بس، ده غير الفلوس فلوس الغرامة، لما أنا رفضت أقسط الغرامة جه حسين لبيب قسطها”.

وواصل: “جبنا إمام عاشور بـ 12 مليون وكان عليه إيصالات أمانة سددناها بعدين بعناه بـ 90 مليون، وكل الناس شافته وهو بيقول من صغري زملكاوي”.

وأكمل: “أمير مرتضى هو أول واحد شاف زيزو واقترح التعاقد معاه وكان بـ 700 ألف جنيه وساعتها جروس رفضه، لكن أمير قال أنا هجيبه على مسؤوليتي.”