ردًا على تصريحات المبعوث الأمريكي “العبيطة” حول مصر
ردًا على تصريحات المبعوث الأمريكي
العبيط وكلامه الغير متزن عقليا اللي بيتكلم وكأنه هو اللي بيدير العالم وكأن قراراته قدر محتوم لا يرد ولا يناقش عايز أقولك حاجة حتى لو عندك ألف قوة حتى لو عندك كل السلاح والاقتصاد والإعلام اللي بيقلب الحق باطل والباطل حق في الآخر إنت مش إله وإنت مش المتحكم في مصير الدول والشعوب
ولو كنت فاكر إنك بتحدد مصير مصر أو غيرها يبقى إنت فعلا مش فاهم التاريخ ولا فاهم مين اللي بيكتب التاريخ مصر مش دولة بتتحاسب بأرقام في تقارير اقتصادية ولا بتتقارن بميزانيات بتتكتب في مكاتب مغلقة
مصر تاريخ وحضارة آلاف السنين وشعبها مش محتاج حد يفكره هو مين ولا يحذره من مستقبله إحنا واجهنا تحديات أصعب من كده على مر العصور وكل مرة بنخرج أقوى من الأول وكل أزمة بتمر علينا مش بتكسرنا بالعكس بتبني فينا قوة جديدة
أما الكلام عن انهيار النظام وتأثيره على المنطقة فده تجاهل متعمد لحقيقة واضحة مصر مش مجرد نقطة على خريطة المصالح الدولية مصر هي اللي وقفت ضد الفوضى في المنطقة وهي اللي شالت مسؤوليتها رغم كل الضغوط ورغم إن غيرها اختار إنه ينسحب أو يتفرج من بعيد يا ترامبو أمريكا يا ابو عقل خفيف ومش متزن قبل ما تتكلم عن انهيار الأنظمة اسأل نفسك مين اللي صنع الفوضى في المنطقة ومين اللي زرع الإرهاب ومين اللي كان بيخطط لتقسيم الدول مين اللي كان بياخد قرارات متهورة من غير ما يفكر في عواقبها مين اللي بدل ما يلاقي حلول للأزمات كان بيولعها أكتر
وبعد كل ده جاي تتكلم عن الاستقرار وكأنك حمامة سلام يا اخى اتنيل على عينك انت وأشكالك دا انت أكبر مستفيد من الفوضى دى العالم مصر عمرها ما كانت طرف في الفوضى بالعكس إحنا اللي دايمًا بندفع تمنها وبنحاول نرجع التوازن للمنطقة إحنا شعب ممكن نبان ساكتين في بعض الأوقات لكن لما بنتحرك محدش يقدر يقف قدامنا الفرق بيننا وبين اللي بيحاولوا يعلمونا درس إننا مؤمنين إن الأوطان ما تتباعش وما تتشراش وما بتدارش بتوجيهات جاية من بره مصر مش تحت وصاية حد مصر مش معمولة عشان حد يتحكم فيها ولا معمولة عشان تقع مصر معمولة عشان تفضل واقفة وشعبها هو اللي هيحدد مصيرها بنفسه هتسمح لحد الشعب المصري مش محتاج دروس منك ولا من غيرك إحنا مش محتاجين حد يفهمنا بلدنا إيه قيمتها ولا إزاي نديرها ولا إزاي نحافظ عليها
والفرق بيننا وبينك إنك بتبني كل حاجة على مصالحك حتى لو على حساب الشعوب وإحنا بنتكلم عن أوطان وعن كرامة وعن تاريخ مش بيتباع ولا بيشترى إنت نفسك وجودك كرئيس كان نكتة للعالم كله إنت أصلا مش عارف تدير بلدك إنت قراراتك فارغة ومكانك أصلا مش في السياسة مكانك في الاستعراض الإعلامي والتهريج إنت مش اللي صنعت بلدك إنت بلدك الله يكون في عونها على إدارتك وعلى التخبط اللي بتعيشه جواها فبدل ما تتكلم عن دول تانية ركز في مشاكلك وخلينا نقولها بشكل واضح وصريح مصر مش في حاجة إنك تنظر عليها ومش في حاجة إنك تهددها إحنا فاهمين لعبتك كويس ودايما عندنا الرد الجاهز اللي هيخليك تفكر مليون مرة قبل ما تحاول تكرر نفس الكلام تاني
