بنتمي ليهم، أحمد العوضي يوضح سبب تكراره للأعمال الشعبية سنويًا

أوضح الفنان أحمد العوضي سبب تكراره لتقديم الإطار الشعبي في أعماله سواء الدرامية أو السينمائية، ومنهم مسلسل فهد البطل الذي يلعب بطولته وينافس به في موسم مسلسلات رمضان 2025.

وقال العوضي خلال مداخلة هاتفية مع المذيعة لبنى عسل في برنامج الحياة اليوم الذي يذاع على شاشة قناة الحياة: الحمد لله على استحسان اللي شوفته من البرومو وشوفت قد إيه الناس متحمسة للمسلسل، بقول إن ديمًا أخواتي مش بقول عليهم معجبين أو جمهور هما عندي أهم ناس باخد رأيهم ببقى قاعد أشوف التعليقات وأرد عليهم بنفسي لما بنزل حاجة وبتبقى مؤشر حقيقي لنجاح أي حاجة بعملها،

هدف أحمد العوضي

وأردف: بعمل فهد البطل ميكس صعيدي على شعبي والناس هتفهم التركيبة ازاي جات، وكان كل همي وهدفي أعلى على مسلسل حق عرب، وده الهدف اللي ببقى عايزه أعلي على اللي فات.

أما عن سبب تقديمه للإطار الشعبي، أشار العوضي إلى أنه سبق وقدم الدور الصعيدي في مسلسل حق عرب في رمضان 2024، والشعبي في مسلسل الخديوي وفيلم الإسكندراني، قائلًا: المسلسل شعبي شبه الحاجات اللي بعملها لأن كل اللي بعمله شعبي تقريبًا  القصة بتناول الشعبي من حتة مختلفة في كل مرة، وإحنا كلنا شعبيين وكل واحد عنده حكاية وأنا كل سنة ببقى حريص إني أطلع قصة جديدة من الطبقة اللي طالع منها وبحبها وبنتمي إليها.

وعن قصة المسلسل، أضاف: القصة ملحمية والقصة، ودسمة والناس هتستمع بها وفيها دراما جديدة وحلوة وتيمة، ومش بستخدم السجع ولا يستخدم في الشارع مفيش حد في الشارع بيقول سجع وأنا ضد الفكرة دي وأنا بحاول أتكلم باللسان الحقيقي في الشارع والناس بتحس باللي قريب منها وباللي بيدعي.

كما أعرب عن سعادته بالتعاون مع الشركة المتحدة للخدمات الإعلامية وشركة سينرجي، قائلا: بفتخر إني من نجوم المتحدة وعمرهم ما بخلوا عليا بحاجة وبيبقوا حريصين إن المسلسل يطلع في أحسن حال، وسعيد إني بشتغل في المنظومة دي وهما سبب في نجاحي ووجودي كنجم مصري وواقفين ورايا وحريصين يمكن أكتر مني على جودة العمل واللي بيتقدم للمشاهد والمتلقي.

أبطال مسلسل فهد البطل

وأعرب عن سعادته أيضًا تعاونه مع العديد من الفنانين في مسلسل فهد البطل، مضيفًا: معايا النجم أحمد عبد العزيز وفخور بالعمل معاه والفنانة لوسي وحجاج عبد العظيم وصفوة وصفاء الطوخي وكوكبة من النجوم وميرنا نور الدين وأحمد السقا وكارولين عزمي وأصحابي وبتجمعني بيهم علاقة صداقة وفيه روح أُلفة، وبشتغل مع المؤلف محمود حمدان وسبق واشتغلنا مع بعض في حق عرب وده تاني عمل مع بعض، ومع محمد عبد السلام أول شغل لينا مع بعض، وهو مخرج واعي وفاهم بيعمل إيه وإن شاء الله المسلسل يطلع بجودة ودراما تليق بيهم.