«لو عايز تتجوز أو تعمل مشروع».. البنك ده هيديك 2 مليون جنيه بدون ضمانات
يا ترى إيه قصة قرض الـ2 مليون جنيه اللي بتقدمه البنوك للناس اللي عايزة تعمل مشروع أو تتجوز، وهل إجراءات الحصول عليه سهلة ولا مليانة تعقيدات، والضمانات اللي بياخدها البنك عبارة عنه إيه.. هنقولك كل التفاصيل في التقرير ده.
بص يا سيدي، لو عايز تتجوز أو تعمل مشروع ، فالبنك التجاري الدولي CIB، بيقدم دلوقتي حزمة من الأوعية الادخارية والقروض اللي بتناسب احتياجات العملاء، واللي من أهمها القروض الشخصية، اللي بيبدأ من 5 آلاف جنيه لحد 2 مليون جنيه.
كمان البنك التجاري الدولي بيتيح تسهيلات في السداد تصل إلى 96 شهرًا من غير أي ضمانات.
طب إيه مزايا القرض ده وإيه عيوبه.. من أهم مزايا القرض إن قيمته بتبدأ من 5 آلاف لحد 2 مليون، يعني لو هتعمل مشروع صغير أو كبير، أو ناوي تتجوز بتكاليف قليلة أو هتجهز نفسك من كله، فهيقدر البنك يكفي كل احتياجاتك.
كمان من أهم مزايا القرض ده، إن سعر العائد بتاعه متميز، وبيتراوح بين 14% حتى 23.5%، وكمان بيتي- تأمين على الحياة حتى انتهاء مدة القرض.
ومعروف إن الـCIB عندهمرونة فى فترة السداد، واللي بتبدأ من 12 شهرًا إلى 96 شهرًا، كمان ينفع في سهولة في سداد القرض من خلال أكثر من 198 فرعًا وأكثر من 440 ماكينة إيداع نقدي.
طب إيه المستندات المطلوب؟
مطلوب من حضرتك، صورة من بطاقة الرقم القومي بحيث تكون سارية، وإيصال حديث لفاتورة الهاتف أو الكهرباء أو الغاز (بحد أقصى 3 شهور)، أما المستندات المطلوبة لإثبات الدخل، ففي حالة تحويل الراتب لا يوجد مستندات إضافية.
أما فى حالة عدم تحويل الراتب، فبيطلب البنك خطاب من جهة العمل بمفردات المرتب أو 3 إشعارات لمفردات المرتب أو كشف حساب بنكي عن آخر 6 شهور.
وفي حالة أصحاب الأعمال والمهن الحرة، يطلب البنك كشف حساب بنكي شخصي أو باسم الشركة عن آخر 6 أشهر، وصورة من سجل تجاري ساري أو ما يعادله.
ضيف على ده، إن البنك التجاري الدولي، بيتيح لك إمكاني التقديم على القرض عن طريق الموقع الإلكتروني له، فاللي على حضرتك، إنك تدخل بياناتك الأساسية زي الاسم والرقم القومي والبريد الإلكتروني والمدينة والمنطقة والسكنية، وتختار إذا كنت عميل لدى البنك أم لا، وتحديد قيمة الدخل الشهري وقيمة القرض المطلوب، ونوع الاشتراك في الحساب، وجهة العمل والمسمى الوظيفي، وبعد كده تقدم على قيمة القرض اللي أنت عايزاها.
وبعد أيام من دراسة طلبك، هتلاقي البنك بيتواصل معاك عشان تستلم الفلوس وتبدأ مشروعك المستقبلي أو تخش القفص الذهبي.. وألف مبرووك.
