أسماء جلال تكشف عن قصة حب استمرت لسنوات.. ما القصة؟
حلت الفنانة أسماء جلال ضيفة على برنامج معكم منى الشاذلي، مساء أمس، المذاع عبر قناة “أون”، في تمام الساعة الحادية عشرة مساء، وكشفت عن حياتها الشخصية:” موضحة أنها استمرت لعدة سنوات تحب شخصاً، لكن من طرف واحد، ولم تكلل قصة الحب بالنجاح.
تابعت أسماء حوارها في برنامج “معكم منى الشاذلي” على قناة “أون”، أن هذا الشخص رفضها بإرادته، قائلةً: “وأنا صغيرة حبيت شخص ما من طرف واحد.. قعدت سنين كتير أوي بحبه بس هو مش عاوزني بإرادته”، ثم أضافت ضاحكةً: “أموت وأعرف هو فين دلوقت”.
الفنانة أسماء جلال مع معكم منى الشاذلي
ومن سياق آخر ، أعلنت أسماء عن حبها الشديد للمطرب وائل جسار منذ صغرها، قائلةً: “بحبه جدا.. كنت الشخصية الملزقة اللي بحط صوره في كل حتة، وبعدين الموضوع تطور وبقيت غريبة الأطوار جدا وبقيت أحضر حفلاته كلها”.
استكملت حديثها قائلة: “بقى لما يعمل حفلة أكون أول واحدة عارفه مكانها فين وأحجز ترابيزة كاملة ليا عشان أركز معاه.. وكنت ألبس فستان حتى لو الناس حواليا لابسة عادي عشان يشوفني.. مع إنه متجوز .. فمش فاهمة أنا كنت بعمل ايه”.
وواصلت أسماء: “طبعًا ولا أخد باله مني خالص.. لحد ما في مرة أعتقد خاف مني وقتها؛ لأن روحت له كنت عاوزه أتصور معاه، فقلت له: عارف إننا هنتجوز؟ قالي والله!!.. كنت صغيرة والله العظيم وقتها يا جماعة.. لسه بحبه بس مش بعمل زي زمان، وربنا يبارك له في مراته وولاده”.
