6 نصائح لتقليل فاتورة الكهرباء الشهرية في منزلك

أعلنت الشركة القابضة لكهرباء مصر عن مجموعة من الإرشادات والنصائح التي يجب على المواطنين اتباعها في المنازل من أجل تقليل فاتورة الكهرباء الشهرية.

وقالت الشركة في منشور عبر صفحتها الرسمية علي موقع التواصل الاجتماعي فيسبوك إنه من أجل تقليل فاتورة الكهرباء في المنازل يجب مراعاة ما يلي ….

طرق تقليل فاتورة الكهرباء

1. تجنب استخدام الإضاءة العالية علشان بتزيد من استهلاك الكهرباء ومن فواتيرها.
2.  استخدم اللمبات الموفرة واعتمد على ضوء الشمس قدر الإمكان.
3.  عمل الصيانة الدورية للتكييفات بانتظام ممكن توفر لك ١٥٪؜ من استهلاك الطاقة.
4.  اتأكد من قفل أبواب وشبابيك البيت كويس وشغل التكييف على ٢٥ درجة عشان توفر في الكهرباء.
5.  فصل الفيش بعد الاستخدام بيوفر في الكهرباء وبيحافظ على عمر الأجهزة.
6.  لو مسافر، اتأكد من فصل الكهرباء عن الأجهزة.

وأضافت الشركة في نهاية المنشور نصيحه للمواطنين مضمونها الآتي، “خليك متأكد إن ترشيدنا للكهرباء في البيت هو أحد وأهم الحلول اللي يضمن لنا فاتورة كهرباء أقل”.

وفي سياق متصل طلبت الشركة القابضة لكهرباء مصر بضرورة الحرص علي ترشيد استهلاك الكهرباء في المنازل.

وتابعت الشركة: الكهرباء مش بس سلعة بنستخدمها، هي عملية إنتاج ونقل وتوزيع معقدة، ومع مرور الوقت، الوقود الأحفوري اللي بنعتمد عليه لإنتاج الكهرباء بيتناقص، علشان كده، الترشيد بيساعد في الحفاظ على المصادر غير المتجددة دي لفترة أطول.

وواصلت الشركة: الترشيد مش مجرد توفير، هو كمان استثمار في المستقبل، لما نوفر في استهلاك الكهرباء، بنوفر موارد مالية ممكن نستغلها في بناء مصانع جديدة، مدارس، ومستشفيات. ترشيد الاستهلاك كمان هيساعدك تقلل فواتيرك الشهرية، يعني فلوس أكتر لتلبية احتياجاتك الشخصية.

وأشارت الشركة إلي أن الترشيد في استهلاك الكهرباء، يساهم في استقرار الشبكة الكهربائية وتقليل احتمالات انقطاع التيار.
وكمان بنحافظ على البيئة من خلال تقليل استهلاك الوقود الأحفوري وتقليل الانبعاثات الضارة.
خلينا نبدأ من دلوقتي ونكون جزء من التغيير للأفضل، علشان نضمن إن الكهرباء تفضل متاحة لينا وللأجيال اللي جاية.