محمد علاء يهاجم أحمد العوضى :اعماله مش مناسبة ليا
كشف محمد علاء عن أسباب عدم مشاركته في بطولة فيلم الإسكندراني، ومسلسل حق عرب، واعتذاره عن العملين، وكذلك رأيه في الأعمال التي يقدمها أحمد العوضي، وقال في تصريحات صخفية : محبتش الشخصية اللي كنت مرشح ليها في مسلسل حق عرب، وتابع : أعتقد إننا بنعامل الڤيلن بطريقة مش كويسة في الدراما، لأن طول ما الڤيلن قوي البطل هيكون قوي، إنما عندنا الڤيلن بيتضرب على القفا من أول حلقة.
وأضاف : دي طريقة المسلسلات الشعبي اللي البطل فيها بيكون هو كل حاجة وبيعمل أي حاجة، ودي نوعية الأعمال اللي بتعجب الناس، لكن إحنا بإيدينا نعدل ذوق الناس ونقدم بطل شعبي راجل مش بلطجي.
وتابع : أنا مش بحب أقدم شخصية اللي بيتهان ومكسور ومش عارف ياخد حقه، وطبيعي الشخصيات دي مش لايقة عليا، لأن مينفعش حد يقولي تعالى يابني وهو بيهددني وأنا أصلاً طولي 190 سم، وأنا ممكن أطبقه وأنا واقف، وقبلها بسنة كنت مرشح لدور واعتذرت عنه وقدمه عمرو عبدالجليل، لأن في نوعية شخصيات مبحبهاش ومش بحب أظهر بالشكل ده.
موعد مع الماضي
وينتظر محمد علاء عرض مسلسل موعد مع الماضي، إخراج السدير مسعود، ويشارك فيه كل من آسر ياسين، صبا مبارك، شريف سلامة، محمد ثروت، شيرين رضا، وركين سعد، ومن المفترض أن يعرض على منصة Netflix، وكان يحمل العمل في البداية اسم من قتل نادية، قبل أن تستقر الشركة المنتجة على الاسم النهائي للعمل.
آخر أعمال محمد علاء
وعرض لـ علاء في رمضان 2024 مسلسل صيد العقارب، وكان من بطولة غادة عبدالرازق، رياض الخولي، أحمد ماهر، سيمون، مجدي بدر، أحمد جمال سعيد، محمد علي رزق، كريم محجوب ومن تأليف باهر دويدار وإخراج أحمد حسن، وتدور الأحداث في إطار اجتماعي تشويقي.
كما عرض لـ محمد علاء في فبراير الماضي مسلسل بين السطور، وشارك فيه كل من أحمد فهمي عضو فريق واما وصبا مبارك، ومن إخراج وائل فرج.
