فيفي عبد تشجع الرجالة على خيانة زوجاتهم.. والست عادي تعرف وتطنش
قدمت الفنانة فيفي عبده، مجموعة نصائح لكل الستات، عشان تعيش ومش تخرب بيتها وتطلق، مؤكدة أن كل الرجالة بتخون زوجاتهم، والست لازم “تطنش”، وأي واحدة تقول جوزها مش بيخون، وماشي على الطريق المستقيم مش صحيح.
وأكدت الفنانة فيفي عبده، أن الراجل لابد يكون عنده نزوات، وتبقى الست قمر ويخونها، والمفروض تعمل نفسها مش عارفة، جاء ذلك ضمن تصريحاتها، في برنامج “حبر سري”، مع الإعلامية أسما إبراهيم، علي قناة “القاهرة والناس”.
وحذرت فيفي عبده، من مواجهة الست الرجل بخيانته، دي أكبر غلطة، لإن الحياة دلوقتي صعبة، ونسبة الطلاق عالية جدًا، موضحةً أن من حق المرأة تفتش واره، ومن حقه يخلي باله من مراته، ولو الست اكتشفت إنه بيخونها تطنش.
وأضافت فيفي عبده: “أن الرجل لو بيحب مراته، يبيع أي حاجة في الدنيا علشانها، وهي لازم تستحمل وتعدي، وكان فيه ناس بتحاول تشككني في جوزي، لكني كنت بطنش، ومكنتش بدي فرصة لكده”.
