اجراء عاجل لخفض أسعار السجائر بالاسواق .. شوف اللى حصل
اسعار السجاير في مصر رفعت بنسبة كبيرة في الفترة الاخيرة، زيها زي باقي السلع اللي بيحتاجها المواطن المصري، وكل تاجر بقي يبيع بالسعر اللي يجبه، خصوصا ان بقي فيها احتكار من التجار هيا كمان، لكن حاليا الحكومة عملت اسعار استرشادية للمواطنين عن السجاير.. يا تري سعرها الرسمي بيوصل كام والناس بتشتريها بكام.
من كام شهر كده اسعار السجاير رفعت بطريقة رهيبة، والفئة المدخنة اللي بيعتروا شريحة كبيرة من المجتمع المصري، واللي بتمثل ليهم السجاير حاجة مهمة في حياتهم وصعب جدا يبطلوها، وللاسف بيضطروا يشتروا السجاير باي سعر لسد احتياجتهم من التدخين، واصبحت مصر بتواجه شبه ازمة في توفير السجاير بسبب احتكار التجار، وده دفع الدولة للتحرك وعملوا عملات علي كبار التجار في المحافظات وتمكنوا من ضبط كميات كبيرة متخزنة بطرق غير قانونية مع باقي السلع الاساسية للبيوت المصرية زي السكر والزيت والارز.
ومؤخرا اعلنت الشركة المنتجة للسجاير ايسترن كومباني، عن رفع اسعار منتجاتها المختلفة من السجاير والمعسل بزيادة بتتراوح من اثنين جنيه لحد ثمانية جنيهات في العلبة الواحدة، وهيا الزيادة الثانية للسجاير في أقل من 4 أشهر.
مش شركة ايسترن كومباني اللي رفعت اسعار السجاير وكان قبلها شركة فيليب موريس مصر واللي رفعت اسعارها لمنتجاتها من السجائر ميريت ومارلبورو وإل آند إم بقيم تتراوح من 8 الي 11 جنيها، وهيا برضوا الزيادة التانية في أقل من 4 أشهر، ومع الزيادات دي فضلت اسعار السجاير غير الرسمية أعلى من اسعارها اللي اقرتها الشركات المنتجة ليها، التجار قالوا ان الزيادات دي بسبب ارتفاع تكلفة الإنتاج وزيادة سعر الدولار مقابل الجنيه في السوق السودا.
طيب كام اسعار السجاير بعد الزيادات اللي قولتي عليها دي كلها؟.
الشركة الشرقية للدخان اعلنت عن رفع اسعارها للسجاير في بقيم تتراوح من 25 الي و1400 جنيه في الباكتية الواحدة اللي قيها 20 علبة علي حسب النوع والحجم، ووصلت اسعار السيجار من 125 جنيها للعلبة 5 سيجار من نوع ميزي توسكاني ووصل اعلي سعر لـ 7 آلاف جنيه للعلبة 25 سيجار من نوع كورونا ديولوكس.
هاني أمان، الرئيس التنفيذي والعضو المنتدب للشركة الشرقية “إيسترن كومباني، قال إن الزيادات الجديدة في اسعار السجاير تعتبر طفيفة مقارنة بارتفاع أسعار المواد الخام التبغية وغير التبغية اللي بتستورها الشركة من الخارج ده غير ارتفاع تكاليف الإنتاج.
اما شركة فيليب موريس مصر المنتجة للسجاير، اعلنت عن اسعار منتجاتها الرسمية، ووصل السعر الرسمي لعبوة ميريت لـ 85 جنيها، وسعر المارلبورو لـ 79 جنيه، وسعر المارلبورو كرافتد لـ 69 جنيه، وسعر إل آند إم لـ 59 جنيها، وعبوة التبغ المسخن لـ 64 جنيه.
شركات المنتجة للسجاير اعلنت عن خطوة لأنهاء احتكار البيع للمستهلكين من خلال طباعة الاسعار علي العبوات، وكمان حطت رابط الاستجابة السريع QR code علي كل منتجاتها من السجاير التقليدية ولفائف التبغ المسخن، وطالبت المواطنين بدفع المبالغ المكتوبة علي العبوات فقط، وكمان طالبت تجار التجزئة والموزعين إلى الالتزام بالأسعار المعلنة.
