عزت الفخرانى يكتب لـ محمد صلاح: عتاب الناس محبة

بحبك ومش عاوز أظلمك لاني عارف قيمتك وحابب قصة نجاحك واللي عملتها بمجهودك وتعبك بدون مساندة من حد ،
وكلنا النهاردة بنفتخر بك وهتفضل في قلوبنا العمر وهتفضل فخر لكل لاعب عربي وأفريقي ورحلتك لملاعب اوروبا سطرتها في سجلات الكرة العالمية بحروف من دهب.
عتاب الناس لك محبة لأنك امل كبير وديما الكبير بيشيل الحمل ويتحمل النقد وده قدره وانت رفعت سقف طموحنا ووصلتنا كاس العالم وصعدت مرتين نهائي أمم إفريقيا وسط لاعيبه اقل حرفنة وخبرة من أجيال ٢٠٠٦/ ٢٠٠٨ /٢٠١٠
كتير من المحترفين في دوريات اروبية بيتعودوا علي اسلوب ولعب الفرق الاوروبية الارقي والامتع.

محمد صلاح في ليفربول غير محمد صلاح في المنتخب،

ده حقيقي لان معاه فريق يفوق في قوتة منتخبات دول كتير ، معاه في كل مركز في الفريق لاعب من دوله مختلفة و يقدر سعره بملايين الدولارات وكأنهم منتخب قارة مش فريق في دوري انجليزي …
مهارات وسرعة وقوة واستلام وتسلم وتحرك بدون كرة يحسسك ان الكرة سهلة ممتعة فبالتالي بيبدع محمد صلاح ويقدم مستوي مختلف وخرافي

إنما في المنتخب لعيبة مش عارفه تستلم كرة ولا تتحرك ولا تاخد قرار سليم ، باصات طايشه وغلط والتحامات قاتلة .
محمد صلاح مش بالفرقه كلها ولا يمكن هيكون ،،
محمد لاعب وسط ٩ لعيبه في الملعب وفي تواكل رهيب عليه طول فترة وجوده داخل المبارة ، ولما خرج في ماتش غانا الكل حس بالمسؤولية
هات أعظم موظف في شركة اجنبية وحطه في مجلس مدينة هيفشل ومش هيقدر يعمل حاجه واول ناس هتقول عليه فاشل اللي معاه .
في الأخير اللعبة جماعية ولا يمكن لاعب يشيل فريق لوحدة حتي لو كان ميسي او رونالدو
بحبك في الله يا محمد صلاح
ربنا ينصرك ويزيل همك وحزنك

#محمد_صلاح