هروب واختفاء أباطرة السكر بعد سقوط شبكة مستشار وزير التموين

ايه اللي بيحصل في الأسواق وليه حالة الرعب بين حيتان السكر والسجائر والزيت والأرز وازاي كله دلوقتي بيتخلصوا من السلع اللي خزنوها قبل مايتحط في أيديهم الكلبشات وايه علاقة اللي بيحصل في السوق بفصيحة مستشار التموين وليه نيابة أمن الدولة مسكت القضية.

طبعا كل مصر عارفة اللي حصل امبارح في وزارة التموين ولو حضرتك نمت بدري هنقولك أن رجال الرقابة الإدارية اقتحموا وزارة التموين وقبضوا علي مستشار الوزير شخصيا والمسؤل عن توزيع المواد التموينية على التجار وفي نفس الوقت كانت فيه فرق تانية بتقبض على رجال أعمال وأصحاب شركات خاصة واللي وقعوا لغاية دلوقتي 8 ولسه التحقيقات شغالة في نيابة أمن الدولة اللي تولت الموضوع لان القضية خطيرة وليها بعد أمن قومي ولان أمن الدولة جهة في الأساس معلوماتية وتقدر تمشي ورا اي معلومة وتجيب اصل الحكاية.

مستشار الوزير وباقي العصابة وحسب التحقيقات ارتكبوا جرائم كتير جدا منها الرشوة واستغلال النفوذ والتربح واحتكار السلع والتلاعب في الأسواق وحصص التوزيع في السلع، ودي كلها تهم عريضة ولسه فيه تفاصيل كتير بين السطور هتكشف عنها الأيام الجاية.

طبعا وحسب التحقيقات شبكة الفساد واستغلال النفوذ والاحتكار والرشاوي اللي وقعت في ايدين أمن الدولة أخيرا دي مش لوحدها واكيد كان معاها شبكات مصالح وفاسدين تاني ودول لسه عليهم الدور وعشان كده حيتان السوق اللي خزنوا السكر والسجائر وسلع تانية مرعوبين والنوم طار من عينيهم عشان اكيد. اساميهم هتيجي في التحقيقات وعشان كده طلع كلام إن كتير منهم اختفوا واستخبوا وبدأو يتخلصوا من السلع اللي كانوا حجبنها عن الناس وفي خلال الأيام الجاية هنشوف مفاجآت من العيار التقيل وهنشوف اسامي كتير بتوقع وهنسمع عن شبكات تانية وعصابات من مسؤولين ورجال اعمل وأصحاب مصانع ليهم تعامل مع وزارة التموين والظاهر كده إن الموضوع كبير اوووي.

بالتأكيد عزيزي المشاهد اللي حصل دا بيقول ويأكد إن الرئيس السيسي وجه رسالة لرجال الدولة لمحاربة كل صور الاحتكار ويشوفوا الأزمنة جت منين وكان المستشار أول الخيط اللي المعلومات والتحريات وصلت ليه بعد متابعة دقيقة للسوق والتجار وعشان كده الضربة حققت هدفها وكانت قاسية ووصلوا للرأس الكبيرة في وزراء التموين واللي مسؤولة عن التوزيع واللي بيتعامل معاه لغاية ماجت ساعة الصفر وتم القبض على الجميع في نفس الوقت

واللي حصل كمان بيقول إن هيئة الرقابة الإدارية والمسؤولة عن كشف اي فساد إداري مركزة جدا على كل المسؤولين الكبار والموظفين اللي في مراكز حساسة وليها وعلاقة بالجمهور.. وفيه حاجة مهمة جدا احنا مش واخدين بالنا منها وهي إن الرقابة الإدارية اقتحمت وزارة حكومية وقبضت على مسؤول كبير جدا فيها وطبعا القضية انتشرت في كل وسائل الإعلام وعلى سوشيال ميديا وبقت ترند وحكاية فساد من الحجم الكبير ودا كله قبل انتخابات الرئاسة بأيام قليلة ودا بيدلل على إن الرىئيس السيسي مش هتسيب حق البلد حتي لو كانت على حساب الحكومة نفسها ولو حد تاني كان كتم على اللي حصل لغاية الانتخابات ما تخلص وبعدين غير الحكومة كلها براحته لكن قلهم مفيش وقت واللي تعب الناس واستغلهم لازم يتحاسب وفورا .