كروان مشاكل بالتحقيقات: إنجي حمادة كانت بتديني 500 جنيه وحق الأوبر علشان أصور معاها

كشفت التحقيقات في واقعة اتهام كروان مشاكل بطل فيديو المطبخ بالتحريض على الفسق والفجور والتعدي على قيم ومبادئ المجتمع المصري، أن المتهم اشترك مع إنجي حمادة بمقاطع فيديو تضمنت عبارات وإيحاءات جنسية مسيئة ومنافية للآداب العامة وتتضمن التعدي على قيم وعادات المجتمع المصري.

ووجهت جهات التحقيق إلى كروان مشاكل التحريض على الفسق والفجور والتعدي على قيم ومبادئ المجتمع المصري

س: ما هي طبيعة علاقتك بالمتهمة سماح مصطفى عبد الفتاح؟
ج: أنا علاقتي بدأت معاها من حوالى أربع شهور وكانت العلاقة بيننا إني بظهر معاها في فيديوهات مقابل إنها بتديني فلوس علشان الصفحة بتاعتي عليها متابعين كتير وهي كانت عايزة تشتهر وساعتها عملت حلقة معاها على رجلى اللي تعبانى وهى بعتتهالى على الوتساب وأنا نشرتها عندي على التيك توك وبعدين من شهر ابتدينا نعمل فيديوهات وننزلها على التيك توك ودا مقابل إنها بتدينى 500 جنيه في المرة وهى بتدفعلى كمان ثمن الأوبر وفي مرة لما روحتلها البيت كتبنا ورقة عرفي عشان هي قالتلي اننا نبقى في الأمان عشان لو الحكومة طبت.

س: وهل توجد ثمة علاقة زوجية بينكما؟
ج: أيوه انا كتبت معاها ورقة عرفي عشان قالتلي يبقى معانا ورقة عشان لو الحكومة طبت علينا نبقى في الأمان.

س: ومتى وأین تحديدا حررت تلك الورقة؟
ج: يوم 2023/10/1 في بيت سماح.

س: ومن القائم على تحريرها؟
ج: إنجي اللي هي سماح مصطفى كتبتها وأنا مضيت انا وهي.

س: وهل ذيل توقيعك على ذلك العقد؟
ج أيوه أنا مضيت وهي مضت.