انتهاء أزمة الدولار في مصر بفكرة عبقرية للحكومة .. تفاصيل
مصر بتعمل اية علشان تصفي أزمة الدولار؟..ويا ترى خطة الدولة دي هاتنهي الأزمة فعلا ولا كلام في الهوا؟
طب ما تيجي نشوف
مافيش شك أن في دول غيرنا كتير بيعانوا بسبب أزمة عدم توافر العملة الأجنبية خاصة الدولار.. اللى بيعتبر الأساس في عمليات التبادل التجاري بين أغلب دول العالم
لكن الدولار بسبب قرارات الفيدرالي الأمريكي برفع نسبة الفايدة للعملة الأمريكية.. دا خلى قيمة الدولار عملاقة أمام عملاتهم المحلية.
لكن مصر فكرت وخططت وكمان نفذت خطة مايكلفهاش دولار واحد.. وهي أنها بدل ما تدفع فلوس في المعاملات التجارية أنها تتبع نظام المقايضة..
فاكرين نظام المقايضة بتاع زمان لما تقدم للبائع حاجة وهو ياخد في نفس المقابل حاجة تانية ماتكنش فلوس.. هو بالظبطا دا
مصر بتعمل على تنفيذ عمليات تبادل تجاري مع عدد من الدول ببنها روسيا وتركيا والهند وكينيا، عن طريق نظام “المقايضة”، ودا بغرض تخفيف الضغط على العملة الأجنبية، وحل أزمة الدولار.
ومصر بالفعل بتعمل على تنفيذ عمليات التبادل التجاري مع روسيا وتركيا وبعض الدول الإفريقية بنظام “المقايضة”؛ لخفض الضغط على العملة الأجنبية.
ومصر بتتجه الفترة دي نحو نظام المقايضة؛ لأنها تبحث منذ فترة عن “بدائل للعملة الصعبة اللي مش متوفرة كتير.
وخلينا نقول لحضرتك أن المقصود بالمقايضة التجارية، هو أن تتم عملية التبادل بين الطرفين، عبر تقديم أحدهما للآخر سلعة أو خدمة أو أصلاً غير النقود، مقابل سلعة أو خدمة أو أصل غير النقود.
ودا بنتجه له لأن الواردات المصرية بتلتهم جزء كبير من صافي الاحتياطي النقدي، ودا بيخلينا نبحث عن الكثير من الوسائل للحد من زيادة الطلب على الدولار، اللي بيشكل ضغط كبير علينا، فضلًا عن التزامات الدولة المصرية الدولارية لدى الغير.
وبالمناسبة نظام التجارة بالمقايضة، أمر سائد ومعروف في المعاملات الاقتصادية ومش جديد، وفي دول زي الصين لجأتله قبل كدا، ودول أمريكا الجنوبية، فضلًا عن روسيا سبق وإن لجأت إليه مؤخرًا مع إيران، وبالفعل أصبح منتشر لدى العديد من الدول.
ومصر في الوقت الحالي بتحاول تطبق نظام المقايضة مع دولة كينيا اللي بنشتري منها شاب ودا اللي صرح بيه وزير الخزانة الكيني نجوغونا ندونغو، واللي قال من خلال تصريحات إعلامية الأسبوع الماضي، إن مصر طلبت شراء الشاي عبر نظام المقايضة بسلعة أخرى.
على فكرة آلية التبادل التجاري اللي هو عن طريق المقايضة ماحصلتش على المستوى الحكومي الرسمي حتى الآن مع أي دولة، لكن الدراسات اللي شغالة حاليا بتأكد أنه جاري تطبيقها وتنفيذها مع روسيا وتركيا والهند وبعض الدول الإفريقية.
وزي ما قولنا نظام المقايضة عادة ما تستبدل المال كوسيلة للتبادل في أوقات الأزمات النقدية، مثل عندما تكون العملة إما غير مستقرة أو ببساطة غير متوفرة لإجراء التجارة.
