السيسي يصدم بايدن ويكشف فخ المخابرات الأمريكية .. ننشر كواليس المهمة
ايه اللي حصل بين السيسي ورئيس المخابرات المركزية الأمريكية.. وايه العروض اللي رفضها السيسي وإزاي رئيس مصر صدم الإدارة الأمريكية واجهض مخطط تفتيت غزة وتوريط مصر في القطاع الفلسطيني وايه اللي هيحصل الايام الجاية
الشرق الاوسط على صفيح ساخن وكل السيناريوهات مفتوحة بسبب استمرار الصراع الشرس والدامي في غزة واستمرار حرب الإبادة في القطاع الفلسطيني ونزوح فلسطيني الشمال للجنوب واحتمال تدخل أطراف أخرى ودا غير التهديد المباشر للأمن القومي المصري بسبب مخطط التوطين المشبوه وفرض سياسة الأمر الواقع على الأرض وكان رد مصر قوى وحاسم وكان عملي من خلال رساىل الرئيس السيسي في استعراض تفتيش الفرقة الرابعة مدرعات بالجيش التالت بالسويس.
لكن لسه فيه ضغوط شديدة على مصر وبتزيد مع الوقت وكان من بينها عرض تصفير الديون والدفع بمليارات الدولارات للاستثمار في مصر مقابل السماح بتهجير ولو جزئي للفلسطينيين في سيناء لكن مصر رفضت بشدة تصفية القضية وقالها السيسي مباشرة لبايدن أمن مصر خط احمر والتهجير يعني الصراع هيوسع والرسالة وصلت.
طيب طالما الرسالة وصلت ايه الجديد في الأزمة.. الجديد إن الولايات المتحدة الأمريكية بعد فشلها في تمرير ملف التهجير قررت تروج أو تسوق لمخططات تانية عشان تريح اسرائيل من قطاع غزة بعد انتهاء الصراع الحالي وضمان عدم تكرار اللي حصل في 7 اكتوبر اللي فات وعشان كده الرئيس الأمريكي جوبايدن بعت الجنرال ويليام بيرنز، رئيس المخابرات المركزية الأمريكية بنفسه عشان يقابل الرئيس السيسي ويحاول يقنعه باكتر من حل لكن السيسي صدمه ورجعه خالي الوفاض لواشنطن وقاله كل مقترحاتكم مرفوضة..
طيب ايه اللي حصل.. شوف يافندم في الساعات الأخيرة كشفت مصادر مصرية رفيعة المستوى إن مصر أبلغت الولايات المتحدة الأميركية رفضها إدارة إسرائيل لقطاع غزة، وعرض إدارتها للقطاع، وحسب المصادر لقاء الرئيس عبد الفتاح السيسي مع مدير وكالة المخابرات المركزية الأميركية ويليام بيرنز، صباح الثلاثاء، شهد نقاشا معمقا بشأن تطورات الأحداث في قطاع غزة، وأن الرئيس أكد رفض مصر للوجود الإسرائيلي في قطاع غزة بأي شكل وتحت أي مسمى.
كذلك أكدت مصر رفضها عرض إدارتها لقطاع غزة، كما رفضت تواجد قوات من الناتو أو قوات أجنبية داخل القطاع بأي شكل أو تحت أي مسمى.. يعني بايدن عرض على السيسي إن مصر هي اللي تدير قطاع غزة أمنيا يعني هي اللي هتبقي مسؤولة عن أي هجوم غزاوي على إسرائيل في المستقبل ودي طبعا توريط وفخ أمريكي وإسرائيلي لمصر الرئيس السيسي فهمه كويس جدا ورفضه وكمان رفض إن إسرائيل ترجع تحتل قطاع غزة تاني.. طيب ليه الرئيس السيسي رفض وجود قوات ناتو في القطاع.. لأن حضرتك الرئيس السيسي رجل مخابرات وعارف أن دا معناه احتلال من نوع لقطاع غزة وكمان معناه وجود طرف اجنبي جديد على حدودك المباشرة ممكن يشتغل اي خطأ أو صراع ويكون في مواجهة مباشرة مع الناتو وبالتالي مع أوروبا كلها وامريكا ودا خطر داهم على الأمن القومي المصري.
