باسم يوسف: محمد صلاح اختار وقت الفيديو صح.. ولو طلع قبل كدة كان “اتدبح”
قال باسم يوسف الإعلامي الساخر، ردا على الهجوم الذي تعرض له النجم الدولي ولاعب ليفربول محمد صلاح، قبل نشر الفيديو الذي دعم فيه غزة، أن العالم بالخارج كان على صفيح ساخن، وان الصورة خارج العالم العربي كانت مختلفة تماما، لدرجة أن الرواية المتصدرة كانت مرعبة وكان من المستحيل الدفاع عنها تحت اي مسمى لدرجة ان مجرد التعاطف مع المدنيين في حد ذاته تساوي إنك موافق على دبح الاطفال.
وأضاف في منشور له على صفحته الرسمية بـ “فيس بوك”: ” انا شخصيا صدقت و عشان كده عملت الفيديو اياه بتاع الصورة اللي هنا في الغرب.. فاكرينه ؟ انزلوا الصفحة دوروا عليه.. الناس كانت بتتهكم عليا و تقولي ازاي تصدق كده ، تاني انتم مش عارفين الصورة هنا ايه؟”.
وقال: “محمد صلاح لو كان طلع وقال الرسالة اللي في الفيديو اللي مش عاجب ده كان زمانه اندبح.. اللي بيقول ان الاعتراض على قتل المدنيين فعل انساني مش سياسي زيه زيه العزاء في الملكة ؛ لا والله صدقني.. ما كان يوم حتى ده كان مش فعل سياسي، لا كان تحريض واحتفال بالارهاب.. طب اشمعنى انت يا باسم عملت كده؟.. والله دي مخاطرتي وده قراري وأنا مش عارف ظروف الناس.. وكتير، كتير قوي، عدى عليا أوقات وسكت عشان الظروف قوية.. قوية قوي.. اللي بيمر بظروف صعبة بيقدر.. اللي بيتفرج من بعيد سهل يزايد.. لو انت عملت حاجة عظيمة و ضحيت.. برافو عليك.. انت عظيم.. انت ملهم، لكن لو فعلا مريت بالتجربة انت من جواك عمرك ما حتفرضها على حد”.
