أبرز تصريحات إيمي سمير غانم بعد سنوات من صمت
كشفت الفنانة إيمي سمير غانم عن حالتها النفسية بعد وفاة والدها الفنان الراحل سمير غانم ووالدتها الفنانة الراحلة دلال عبد العزيز وكيف مرت من أزمة رحيلهما، حيث أشارت إلى أنها عاشت سنين في حالة من الصمت بسبب صدمتها من الموقف ولكنها بدأت تتعايش مع الموقف وتقرر رجوعها إلى الفن مرة أخري
وضحت الفنانة إيمي سمير غانم مجموعة من التصريحات من خلال لقائها التليفزيوني مع أحد الإعلاميين وقالت أنها حزينة جداً على فراق والديها وأنها لم تستطيع عد كم من السنين مرت على وفاة والديها وأنها قعدت سنتين عشان أفوق من صدمة بابا وماما.
واستكملت الحديث قائله”فوقت بعد سنتين من وفاة والدي بمعنى إني أقدر أتكلم وأتعايش وقالت قعدت سنتين كنت في حالة صمت تام لكن حاليًا الحمد لله بقيت عارفة أتكلم، بعد الولادة بقيت مدمنة أطفال وحسن مش بيعبرنى”
أبرز تصريحات إيمي سمير غانم
كنت بتخانق دايمًا أنا وحسن الرداد في مسلسل عزمي وأشجان.. وبروح بيتي معيطة.
مش بحس بضغط لما بتقارن أنا أو دنيا بوالدي سمير غانم، لأن تاريخهم حافز ومساعد.
أنا ودنيا عمرنا ما هنجيب ربع بابا وماما ومش صح يقارنون بيهم.
مش بحس دمي خفيف زي بابي.
جوزي غيري تمامًا وشايف إني عجوزة وأنا صغيرة.
مع الأحداث بتاعة غزة بمسك التليفون وببقى مش عارفة أتنفس ومش بنزل حاجة ومش عايزة أتحرك.
أنا مبفهمش في حاجة تانية غير التمثيل.
بابا وماما كانوا بيحبوا إننا نشتغل ودنيا بدأت الحمد لله وأنا إن شاء الله هشتغل قريب.
أول مرة أحس إني مشهورة بعد مسلسل هبة رجل الغراب.
