سقطة مورجان ستانلي.. تقريرمشبوه في توقيت خبيث
شبكة المصالح في الاقتصاد زي بيت العنكبوت ليها ألف باب ومدخل ومتشابكة بشكل متين ومفيش حاجة مجانا من حوالينا والاقتصاد ساحة كبيرة للصراع على النفوذ والثروات ومنافسة شرسة على الاستثمار والصفقات.
وشركات بتتناحر عشات تسيطر على أسواق وتانية بتخسر، ومليارات جاية ومليارات بتعبر المحيطات والاقتصاد كما السياسة مفهوش حاجة ثابتة ولا مثالية وكله في الأول والأخر مصالح.. عشان كده لازم نركز في كل رقم وبيان وتقرير يصدر بخصوص مصر من مؤسسات دولية لأنه بيكون فيها ألغام وأفخاخ وسم بين السطور وبتخدم أجندات في سياق الصراع اللي قلنا عليه.
بنك مورجان ستانلي طلع في تقرير من اللي قلنا عليه وعبر عن تشاؤمه بخصوص الضائقة المالية اللي بتمر بيها مصر وزيادة المخاطر على الديون وبعدين قال حاجة غريبة جدا وهي إن الانتخابات الرئاسة في مصر هتأثر على الاصلاح الاقتصادي في مصر والحقيقة مش عارفين إيه دخل البنك في الانتخابات المصرية وايه علاقتها ببرنامج الاصلاح .. طيب هو كل بلد بتعمل انتخابات رئاسة بتوقف فيها خطط الاصلاح ولا تظوير الاقتصثاد الحقيقة دا كان منطق غريب من البنك وتدخل سافر في شأن داخلي ملهوش علاقة بالاقتصاد.
ثم بخصوص الديون.. نحب نقول لـ مورجان ستاتلي هي امتى مصر اتخلفت عن سداد الديون وليه الكلام كتر على الموضوع دا بالذات وفي وقت واحد وفي ليلة واحدة من أكتر من مكان وإزاي مصر عندها مخاطر ديون والأرقام بتقول إن الايردات الدولارية بتزيد وصندوق النقد الدولي نفسه أكد إن حجم الديون بالنسبة للناتج المحلي في حدود 35% يعني في الحدود الآمنة جدا.. يبقي مورجان بنى كلامه بناء على إيه.. لازم نصحى ونشوف إيه اللي بيحصل حوالينا ومنصدقش أي تقرير مستورد.
