أيتن عامر أصيبت بفيروس خطير وتحذر متابعيها.. ممكن يحصلكوا فيروس لوود
نشرت الفنانة أيتن عامر مقطع فيديو لايف شاركته متابعيها عبر صفحتها الرسمية بموقع التواصل الاجتماعي “فيس بوك” تحذرهم خلاله من إنتشار فيروس خطير هذه الأيام.
بدأت أيتن كلامها :” أنا طالعة لايف عشان احذركوا فيروس منتشر جامد جداً الفترة الحالية فيروس خطير، طبعا انا مش في المستشفي أكيد بالفول ميكاب انا في الشغل، وجاية أقولكو من امبارح انا عيانه ودرجة حرارتي 39 وجابولي دكتور وعلقلي محاليل، والدكتور شخص الحالة أنها نزلة برد حادة، مش كوفيد ولا متحور كورونا بس فيروس سريع الانتشار”.
وسردت خلال الفيديو أسباب إصابتها بهذا الفيروس وأختتمت كلامها تنصح متابعيها :”خلوا بالكوا عشان الدور انا وخداه من ولادي، والدكتور شخصه انفلونزا حادة، ويجب الابتعاد عن الأولاد حتى لو واخدين نفس الدور، لأن كده ممكن يحصل حاجة اسمها فيروس لود “viruse load”.
