رانيا يوسف : الرجالة خابت وبيفتروا على الستات

أبرز تصريحات الفنانة رانيا يوسف

ووجهت الفنانة رانيا يوسف الدعم للمرأة المصرية في مجتمعنا الحالي من خلال حوارها ببرنامج et بالعربي، وقالت: “فيه مناقشة لقوانين الأحوال الشخصية بتتجدد دلوقتي بعد مسلسل تحت الوصاية للفنانة منى زكي”.

وتابعت رانيا يوسف: “المسلسل عمل خطوة مهمة جدا في قانون الأحوال الشخصية بالنسبة للوصاية والستات اللي معاهم أطفال وحاجات كتير لازم تتغير لإننا لازم نعمل تحديث.. البشر بيعملوا تحديث وخصوصا الرجالة لما بيفتروا على الستات بيعملوا تحديث افترا، فاحنا كمان لازم نعمل تحديث مساواة”.

رانيا يوسف تكشف علاقتها بطليقها المنتج محمد مختار

وتحدثت الفنانة رانيا يوسف عن علاقتها بطليقها المنتح محمد مختار، فقالت: “الأوضاع للأسف ماتحسنتش وزي ماهي، وفي تقصير في الوقت والفلوس وكل حاجة والرجالة إما بيشفوكي قوية ومستقلة وتقدري تشيلي.. بيرموا الحمل كله عليكي”.

وأضافت: “هي دي المشكلة، واحنا كستات إما بنلاقي الطرف الأخر بيقصر ناحية واجباته.. احنا بنبقا الرجالة والستات في نفس الوقت وهي دي المشكلة، ويرجعوا يقولوا هي الستات استرجلت ليه.. لأن للأسف الرجالة خابت”.

رانيا يوسف تكشف تفاصيل فيلم فيتو

وكشفت الفنانة رانيا يوسف تفاصبل فيلمها الجديد فيتو، وأعربت قائلة: “فيلم فيتو مع إلهام شاهين وعمرو عبد الجليل وفتحي عبد الوهاب، وبيناقش اعتراض الستات على الواقع اللي احنا عايشين فيه”.

رانيا يوسف تتحدث عن أعمالها الفنية المقبلة

وتحدثت الفنانة رانيا يوسف عن خريطة أعمالها الفنية خلال الفترة المقبلة، وذلك خلال حوارها ببرنامج et بالعربي، فقالت: “بعمل مسلسل السرداب حاليا وهنصور خلال أسبوع، وهعمل فيلم خارج الخدمة”.

أبطال فيلم فيتو

ويعتبر فيلم فيتو من تأليف مصطفى بدوي، وإخراج ياسر سامي، وشارك في بطولته العمل كلا من نجوم الفن: إلهام شاهين، فتحي عبد الوهاب، رانيا يوسف، عمرو عبد الجليل، وماجد المصري، وتتعاقد الشركة المنتجة للفيلم مع باقي أبطاله.