تسجيل صوتي لنصاب يدعي أنه موظف بنكي.. اسمع وأعرف طريقة النصب
النهاردة يوم النصب العالمي.. مكالمات كتير من نصابين بيدعوا أنهم موظفين بنوك وعايزين يحدثوا البيانات.. تعالوا نعرف اية اللي حصل مع زميل لينا كان معرض للنصب مع أحد الموظفين
النصب الشخصي هو اللي حصل النهاردة مع عدد كبير من المصريين.. واللي منهم زملاء لينا.. واللي جالهم رسائل بضرورة تحديث بيانات البنك.
اكتر من زميل لينا جاله رسالة النهاردة بتقول.. عميلنا العزيز تم إيقاف حسابك البنكي.. يرجى التواصل لتحديث البيانات.
حد من زمايلنا كلم الرقم اللي وصلت منه الرسالة.. وهو طبعا فاهم إن دا نصاب.. والمحادثة مشيت كالتالي.
صباح الخير يا فندم.. بياناتك لازم تتحدث.. مطلوب رقم الحساب منك
زميلنا رد على النصاب وقاله حساب بنك اية بالظبط
النصاب قاله.. حضرتك مشترك في بنك اية
تخيلوا.. مواطن البنك هايحدث بياناته وهو ما يعرفش حساب بنك اية
أنا عندي اقتراح أحسن.. طب ما تسمعووا التسجيل الصوتي اللي سجله زميلنا ونرجعلكم تاني
التسسسسسسجيل
زي ما حضراتكم سمعتم.. النصاب مايعرفش بنك اية.. وحتى مايعرفش اسم اللي بيكلمه.. طبعا هو حس أن زميلنا فاهم إن دي عملية نصب علشان كدا ماكملش المكالمة.
النصب دلوقتي بقت أشكاله متعددة وبأكتر من وسيلة.. سواء هايجيلك رسالة على الوتس أو الفون
طبعا في نصاب بيعرف يظبط الدخلة اللي هايدخل بيها عليك
وعلى فكرة في ناس طيبة شوية ممكن يدوهم أرقام الحساب البنكي ويتعرض للنصب ودا بيحصل كتير جدا.
وخلو بالكم البنوك ماطلبتش أي تحديث من عملائها الفترة دي..
وخلوا بالكم.. أن عمليات التحديث بتحصل من خلال البنك مباشرة يعني هو بيحدث لنفسه بيانات العميل
لازم لما يحصلك الموقف دا تكلم خدمة العملاء الخاص بالبنك علشان تعرف في تحديث ولا لأ
أوعى حد يضحك عليك ويقولك أن في تحديث من خلال أشخاص
ياريت حضراتكم تخلو بالكم
