اضحك مع الدكتورة مليكة همام
على صفحتها الفيسبوكية كتبت الدكتورة مليكة همام هذا البوست الضاحك
تعرضت لالتواء فى الكاحل والدكتور طلب منى عدم الحركه لمده يومين
انا قلت فرصه اقعد يومين مع أهلى اللى بيحبونى وبيحبوا قعدتى الحلوه فى البيت
ف قاعده بقى مش قادره اتحرك وطلباتى كلها بسيطه
ياأم ابراهيم فنجان قهوه لو سمحتى؟
حاضر ياملووووكا …يااااارب الشفاء العاجل لملووكا يارب
ام ابراهيم عايزه حاجه حلوه اكلها؟
حاضر ياملووووكا ..يااااارب عجل بشفائها عشان ترجع شغلها
ام ابراهيم ساعدينى اقعد ف البلكونه؟
حاضر ياملووووكا….يارب والنبى الشفاء العاجل
ام ابراهيم انا جعانه ؟
حاضر ياااملوووكا… ..ياااارب انت عالم بحالى أشفى ملوكا
ام ابراهيم ساعدينى ادخل اوضى؟
حاضر ياملوووكا …ياااااارب خد من قلبى واستجب
قلت ف نفسى ياسلااااام على حب الرفيقه العزيزه ام ابراهيم ماشيه كل دقيقه تتوسل لربنا وتدعيلى بالشفاء الست دى بتحبنى اوى اوى
ولسه بقول ياأم ابراهيم لقيتها بتقول لجدتى وبعدين يادكتوره فى الدوخه دى دا على رأى المثل قاعده الدوده فى الغيط ولا قاعده مليكه فى البيت
جدتى ردت عليها وقالتلها عندك حق والله ياأم ابراهيم بس معلش نستحمل شويه بكره تخف وترجع شغلها وترحمنا
