أسعار اللحوم نزلت.. يا ترى اية السبب؟؟ وهاتنزل تاني ولا لأ

لو خدت جولة في الأسواق هاتلاقي سعر اللحمة نزلت بمقدار ٢٠ أو ٢٥ جنيه.

ودا اللي أكد عليه نائب رئيس شعبة القصابين بغرفة القاهرة التجارية، واللي قال أن أسعار اللحوم تراجعت بنحو 20 جنيه.

سعر الكيلو دلوقتي ب 300 جنيه أو 320 جنيه بعد ما كان ب 370 جنيه فترة العيد.

التراجع دا في الأسعار سببه ضعف الإقبال وحالة الركود اللي شهدها القطاع بعد موسم عيد الأضحى، ودا نتيجة اكتفاء المواطنين منها بعد موسم الأضاحي.

السبب في ارتفاع اللحوم هو ارتفاع الأعلاف ونقص المعروض من الماشية، والأسعار هاتنزل تاني لما مصر تنجح في استيراد كمية أكبر من الأعلاف.