أغرب قصص محكمة الأسرة..بيستخسر فينا الجنيه و بيخبي الفلوس في الحمام

دعوى نفقة رفعتها سميرة أمام محكمة الأسرة بعد أن فوجئت أن زوجها قادر على تغطية كافة تكاليف لمنزل والأولاد، ولكنه يرفض الإنفاق بحجة أنه لا يملك أموالا كافية، وبعدما تمادت الخلافات قررت قصد محكمة الأسرة؛ لعلها تكون سببا في مساعدتها.

حكايات محكمة الأسرة.. بيستخسر فينا الجنيه
“معاه فلوس تكفيني أنا والعيال وبيستخسر فينا الجنيه”.. بهذه الكلمات بدأت الزوجة حكايتها ، مؤكدة أنها تعاني من بداية الزواج مع رجل لا يريد الإنفاق على بيته وأولاده بحجة أن ظروفه المادية سيئة، واستمر هذا الحال لأكثر من 10 سنوات؛ لتكتشف الزوجة أنه ميسور الحال، وقالت الزوجة: “مش راضي يصرف علينا وكل ما آجي أطلب منه فلوس يقول لي مش معايا ومرتبي مش مكفي أي حاجة، كنت بسمع كلامه الأول وأسكت وأقول معلش ظروفه، بس لما لقيت الحوار بيزيد بدأت الخناقات بينا تكتر وأنا مبقتش عارفة اكفي البيت”.

أغرب قصص محكمة الأسرة.. بيخبي الفلوس في الحمام
بعدما تحملت سميرة حالة زوجها المتعسرة لفترة طويلة اكتشفت أنها مجرد حجج فارغة من أجل عدم تحمل مسئولية أولاده، استكملت رواياتها: “استحملته كتير، بس اكتشفت إنه معاه فلوس وبيقبض كويس مش زي ما هو مفهمني، ومن ساعة ما عرفنا إنه معاه فلوس بقى يخبيها في الحمام، وكل ما حد يطلب منه فلوس يقول مش معايا”.

دعاوى محكمة الأسرة
تابعت سميرة باقي حكايتها للحادثة بقولها: “أهلي اتدخلوا عشان يحلوا الخناقات بينا بسبب إنه مش عايز يصرف، بس هو لسه مصمم إنه ميصرفش غير بمزاجه، إنما لو جيت أقول له عايزة فلوس يقول لي مش معايا وأنا عارفة إنه معاه”، بعد ما فقدت الأمل في صلاح الحال بينها وبين زوجها قررت قصد محكمة الأسرة من أجل رفع دعوى نفقة تطالب فيها بحقها وحق أولاده