مقدار زكاة الفطر للشخص الواحد.. دار الإفتاء المصرية تجيب
مقدار زكاة الفطر للشخص الواحد.. كلمات تزايدت معدلات البحث عليها في موقع البحث الشهير «جوجل»، وعلى مواقع التواصل الاجتماعي “فيس بوك”، وذلك بالتزامن مع انطلاق أول أيام شهر رمضان المبارك.
زكاة الفطر هي واحدة من الفروض الشرعية التي يتحملها المسلم في شهر رمضان المبارك، وقيمة زكاة الفطر تحدد بكمية معينة من الطعام أو قيمتها المالية، ويتم توزيعها على المحتاجين قبل صلاة العيد.
دار الإفتاء تحدد مقدار زكاة الفطر للشخص الواحد
وحددت دار الإفتاء المصرية قيمة زكاة الفطر بمبلغ 35 جنيهًا كحد أدنى، ويفضل على المسلمون دفع زكاة الفطر في وقت مبكر قبل صلاة العيد لضمان وصولها إلى المستحقين في الوقت المناسب.
وقامت دار الإفتاء المصرية بتعليق منشور على صفحتها في فيس بوك يهدف إلى توضيح كيفية حساب قيمة زكاة الفطر بطريقة سهلة وبسيطة، ويتيح للناس فهم الطريقة بلغة عامية، الامر الذي يساعد على تشجيع المسلمين على أداء فريضة زكاة الفطر بشكل صحيح وفي الوقت المناسب.
وقالت الإفتاء: حسبناها على القمح اللي هو نوع من الأنواع المذكورة في سنة سيدنا رسول الله صلى الله عليه وآله وسلم والخاصة بزكاة الفطر، بالإضافة إلى أنه غالب طعام المصريين بيتعمل منه، والعيش اللي هو وجبة أساسية وكمان بيدخل في أطعمة كثيرة جدًا.
وتابعت: طيب سعر أردب القمح كام السنة دي 2000 جنيه مصري من أحسن الأنواع، وأردب القمح فيه 150 كيلو، يبقى سعر الكيلو كام 13.33 ثلاثة عشر جنيه وثلاثة وثلاثون قرشًا تقريبًا، طيب والزكاة أد إيه في القمح 2.04 كيلو، يبقى نضرب 2.04 كيلو * 13.33 يطلع الناتج 27.19 جنيه مصري.
ودار الإفتاء قالت إنه 35 جنيه يعني زودت كمان عن الحد الأدنى بشويه، و35 جنيه الحد الأدنى – يعني طلع أكتر من 35 جنيه لو معاك ودخلك يسمح لك، بس اللى مش هيقدر فأقل حاجة يطلعها عن الفرد 35 جنيه.
وأشارت: طيب أنا شايف إن 35 جنيه قليل مش هتعمل حاجة، يبقى تطلع ما ترضاه نفسك وتحس إنه له قيمة، لكن لا تقل عن 35 جنيه، ولا تلزم غيرك يطلع زيك لأن ممكن يكون غير قادر، متابعة: كمان تقدر تطلعها فلوس لا تشتري بها شيء؛ لأن بعض الناس مفكرة إن ناخد الفلوس نشتري بها أرز مثلا، لأ طلعها فلوس وربنا يتقبل منك.
واختتمت: كمان يجوز إخراجها من أول رمضان لحد قبل صلاة العيد، ولو ما عرفتش فلا مانع إنك تطلعها يوم العيد لحد غروب الشمس، ودا على مذهب الشافعية ومن وافقهم.
