الإعلامية هبة الألفي تكتب: احذري وعود الكذاب

#_نصيحهxجمله

( لكل بنت فتحت قلبها لشخص مايستهلهاش

اشكرى ربنا انه ظهر على حقيقته و انه مايستحقش حد نضيف زيك )

القصه مش غريبه على بنات كتير بيحصل معاها اللى هيتحكى دلوقتى

مشكله اى بنت انها بتصدق ان فى راجل فى الزمن دا حقيقي و محترم و بيقدرها

اكتر من مره قولنا الموجودين أشباه رجال حتى ولو سنهم كبير

ف هما غير مسؤلين و كدبهم بيبان فى تصرفاتهم

مثلا

واحده بتقولى

ان قلبها اول مره يتفتح كان لانسان افتكرت انه هديه ربنا ليها

كانت بتقدم من قلبها بجد

بكل حب و احترام

و كانت دايماً تتكلم معاه بحب و تشتكى منه له هو لان اعتبرته صديقها فأسرارهم لبعض

و كانت شايفاه راجل بمعنى الكلمه

حصل مواقف كتير منه و احراج ليها قدام الناس

و كان دايماً يضحك عليها بكلمه و يقولها ( بحبك و كرامتك من كرامتى ) و هى كانت تعدى كتيرررررررر

استحملت منه كذا موقف

و كانت تعدى عشان تفهمه انها بتحبه و عايزاه يتغير

لغايه …

ماحصل موقف يكاد يكون تافه

بس الموقف دا اثبتلها انه انسان خاين للامانه و ان كلامه كان كذب معاها زى مالناس قالولها

كانوا بيتكلموا سوا و فجاءه جت واحده فضلت تبص له

وهو يبص لها

و كأنه عنده عقده نقص

بيكملها لما يشوف نظرات الستات له

المشكله لما اخدت بالها و واجهته قالها محصلش

انتى ماليا قلبي

كان بيسكتها بكلامه المعسول

و لما اضايقت منه و مشيت

مافكرش يكلمها او يطمن عليها

فكر انه بكده بيعاقبها عشان هى جت على كرامته لما سابته ومشيت

مايعرفش ان عقابه دا بدايه شفاء من انسان غدار

الغريبه ..

لما كان بيجىء عليها و يزعلها كان يقولها كرامتك من كرامتى و هو مقدرش يسمعها او حتى يعدى الموضوع بحب زى ماهى كانت بتعمل معاه وخصوصا ان اللى حصل بينهم مكنش قدام ناس زى ماهو عمل قبل كده

الخلاصه

اللى عايزه اقوله لكل بنت

❤️ اللى نسى انتى كنتى معاه ايه وهو افتكر نفسه بس …ابعدى عنه

❤️ اللى افتكر كرامته و نسى كرامتك قدام الناس …ابعدى عنه

❤️ اللى وعدك وعود كذابه انه ابوكى و اخوكى و صاحبك وقت اى ازمه و طلع غير امين ..ابعدى عنه

خليكى متاكده انك تستحقى الأفضل و يكون راااااااااااااااااااجل يصونك و قد الامانه معاكى

تحياتى لكل بنت