الناس المريضة
د. إسراء سمير
استشاري الصحة النفسية
الطبيعي إنك تقابل ناس مريضة… وناس مريضة أكتر بس مقتنعة إنها “سليمة”.
وناس حياتها كلها شو… وحوارات… وكلام منفوخ لا بيضيف ولا بيقرب.
ده مش عيب فيك.
ولا اختبار لقيمتك.
ده ببساطة لأن الدنيا بقت مليانة ناس مش قادرة تواجه نفسها… فبتحاول تهرب في تشويهك.
الناس فعلاً مبقاش منها السهل…
لأن كل واحد بقى حاطط لنفسه صورة، ومصدقها… حتى لو واقعه بيقول العكس.
عشان كده قبل ما تلوم نفسك:
اسأل سؤال واحد بس:
هو اللي قدامي سليم… ولا لابس قناع وبيحاول يصدّرهولي؟
انت مش مطلوب منك تعالج حد…
ولا تتحمل أمراض حد…
ولا تكمل مع حد شايف غلطه “شخصية” وشايف غلطك “عيب”.
اختصر… واقطع… واطلع.
سلامك أغلى من إنك تضيعه على ناس بتكدب على نفسها قبل ما تكدب عليك.
[11/29, 19:21] سعيد زينهم: دكتورة إسراء سمير تكتب: الناس المريضة
