عندما يبتعد من كان قريبا

بقلم ياسمين رشدى

لماذا فى بعض أوقات من حياتنا بنفقد فجأه إهتمام من كانوا أقرباء لنا جدا فى يوم من الأيام؟؟

الحقيقه والواقع إن إحنا أحيانًا ندخل حياة ناس يبدوا وكأنهم لقوا فينا شئ مختلف عن الباقيين فأصبحوا

يهتموا ويقتربوا ويفتحوا قلوبهم. وفجأه ودون مقدمات او لأسباب تافهه تنقلب الصورة تماما

.

ويصبح القرب بعد، والكلام صمت ، والأهتمام إهمال

ومن هنا تبدأ الأسئلة المؤلمه:

هو أنا السبب؟ هو أنا غلطت فى حاجه ؟ هو أنا عملت حاجه للدرجادى ؟ هو أنا فعلا وحش ؟ هو أنا كنت غبي و مخدوع من البداية ؟

الحقيقة إن فى بعض الناس ممكن ترتبط بينا من خلال اى علاقه إنسانيه لعده أسباب منها:

1. إن وجودنا جه ليملا فراغ عندهم مش عشان يبنى علاقه حقيقيه

بمعنى إن في بعض ناس بتظهر في حياتنا فى وقت معين من حياتها بتكون فيه محتاجه للدفا والأمان والحب والأستماع

وبعد ما حياتهم بتستعيد توازنها ومشاعرهم دى بتنتهى لأى سبب بيرحلوا عنا

عشان دورنا بالنسبالهم بيكون خلاص انتهى وإحتياجهم لينا مبقاش موجود .

2. لأن بعض الناس بيحبوا الشعور بالأقتراب بمعنى انهم بيقربوا وقت احتياجهم لينا ، وبيبعدوا عند انتهاء هذا الأحتياج

4. لأن بعض الناس يعيشون بعض العلاقات زى المرايه مش بقلبهم بمعنى انهم عايزين يشوفوا نفسهم فينا ومتطلباتهم من خلالنا ويتأكدوا من قيمتهم برضوا من خلالنا ووقتها

بيقربوا مننا عشان يشوفوا هل احنا لسه مهتمين بيهم ولا لأ؟

وبيبعدوا عشان يشوفوا هل إحنا هانلحق بيهم ولا لأ؟

بالمختصر وجودنا عندهم اختبار مش حب لشخصنا

5_ لأن بعض الناس مش بيقربوا مننا لأنهم بيحبونا لكن لأنهم حبوا يحسوا انهم محبوبين مننا وحبوا حبنا ليهم واللى إحنا بتقدمه عشانهم لكن مش حبونا لشخصنا إحنا.

طيب إيه هو الحل ؟

الحل إن إحنا منحاربش عشان خاطر نرجع حد هو أصلا مكنش قريب مننا بجد وهو اللى سابنا بأرادته.

بلاش نحط اعذار لمن فكر بالبعد والترك.

بلاش نحمل نفسنا ذنب لم نرتكبه.

والحل الحقيقي

أن نعرف قيمتنا كويس لدرجة لا يهزها قرب حد ولا يلخبطها بعد حد.

أن نتعلم أن بعض العلاقات لم تنتهي بسببنا لكن بسبب عدم قدرة الشخص الآخر على الاحتفاظ بنا.

أن أعرف إنى مش بديل لحد ولا إحتياطى لحد ولا أنا العصا السحريه لتنفيذ طلبات ورغبات أى حد .

وصلت👋

أفكار ياسمينيه