هبة الالفي تكتب: لا تنتظر رد الجميل من اشخاص معدومه الاخلاص

#نصيحهxجمله
( لا تنتظر رد الجميل من اشخاص معدومه الاخلاص )
عقدة المصريين
عارفين أوحش حاجه فينا ايه
اننا مش بنحب الخير لبعضينا
مع العلم لو كل واحد اتحد مع غيره بخبرة كل واحد المختلفه هننجح و نكون بلد متتطوره و فى حته تانيه خالص
على سبيل المثال لا الحصر
مصر معروفه ب هوليود الشرق
اللى عايز ينجح بيجيء مصر
و مصر بقي بتقوم بالواجب
و تنطقه و تخليه سوبر ستار
لكن
ان مصر تهتم بالمواهب اللى عندها ……. طبعاً لا
هقولكم أمثله
يعنى مثلاً
لو واحد اتحبس فى مصر فى قضيه معينه ماينفعش يطلع و يبقي حاجه مهمه
عكس شخص معروف عالمياً
كان ارهابي و اتسجن و خرج و بقي اقوى مطرب و ألبومه الجديد غطى على عمرو دياب
تعالوا بقى للاوحش اللى عندنا
اننا مش بس بنحقد على بعض و نكره الخير لبعض
لا …. دا احنا كمان بنقلد بعض
بمعنى
بعض الاشخاص و ليس الكل من رجال الدين بيعتقدوا انهم لما يكونوا رجال دين و أيضاً مرنمين او ناشدين هيوصلوا لقلوب الناس
مع العلم ان دوره مهم و صعب و المفروض يكتفى بيه فقط
ايضاً التقليد الاعمى
ان واحده مرنمه صوتها جميل ملائكى و حضورها من عند ربنا لما بتكون متواجده اكتر من اى واحده
يبتدى كلام وحش يطلع عليها عشان متظهرش تانى ودا بسبب غيره مرضيه
دا غير لو ملحن او فنان او مونتاج او مخرج او قائد فريق او غيره
لما بيثبت حضوره بيتكره ويحقدوا عليه
و برضه بيسمع عن نفسه اقاويل غريبه
و الاصعب غدر اقرب شخص ليك لما تحبه من قلبك و تخلص له و تعامله بكل حب
و تقدم له كل الخير و تكتشف انه صدمة عمرك لان طبعه خاين
الخلاصه
ان النقص و الفشل اللى عند البنى ادم بيخليه غير سوى فى تصرفاته
و بيكون عدوانى و مش حابب اى نجاح للى حواليه
لانه بيحس انه اقل من اى حد بسيط
ف بيبدأ من هنا يشوه سمعه او يقلد و يفشل
و للأسف ممكن تكون الناس دى اقرب اشخاص لينا
المهم
اياك ثم اياك ثم اياك تتأثر بأى كلام
خلى الغير سوى يتكلم و المريض اللى زيه يسمع له