دينا كرم الدين بتقلب “المواجع” وتفضح “جوز الخيل” !!
أحيانًا تلاقي في أي مؤسسة او فى شركات حكوميه وخاصه ناس في مناصب كبيره على حجمهم اوى ..هتلاقى (جوز خيل )كدا قاعدين طول الوقت بيضيّعوا وقت ومالهمش ثلاثين لازمه كأن وجودهم بس منظر
والكارثة إنك تلاقى مرتباتهم أضعاف أضعاف قيمتهم الفعلية🤷♀️ بس والله العظيم قيمتهم ما تكملش مرتب متدرب شاطر.
اللي يضحك إن المرتب اللي بياخدوه يكفي يتجاب بيه عشرين عيل طموح يهدوا الجبال ويقلبوا الشركة رأسًا على عقب بالإبداع والشغل الصح هيدوخوا السوق ويخلوا الشركة ماشية بسرعة الصاروخ!!!
بس للأسف… بدل ما الأماكن دى تستثمر في العشرين اللي يكسروا الدنيا راضية تصرف ارقام خياليه عشان اتنين واللا ثلاثه قاعدين بدون ولا فايدة ولا إنتاج ولا اى حاجه مجرد ديكور بيتحرك
دا لو أنا بفتح شركة ناشئة على قدي والله كنت أجيبهم هما الاتنين مع بعض باكدج بألف جنيه في الشهر… لأن فعليًا ده السعر العادل للمجهود اللي بيقدموه
