زيادة 2 مليار و500 مليون دولار في خدمة الدين الخارجي المصري .. ماذا يحدث؟
سالي صلاح
خبيرة التخطيط الاستراتيجي | والتسويق الدولي
مبتكرة حلول النمو والتوسع وتحول مسارات الشركات في الأسواق المتقلبةCEO
البنك المركزي يعلنها بفضيحة في تقرير الوضع الخارجي – أغسطس2025
صدمة الأرقامإحنا المفروض ماشين في خطة خفض الدين العام… بنبيع أراضي وأصول من راس الحكمة لرأس بناس بعنا كل الرؤوس صككنا هنا وورقنا هناك، من كورنيش النيل لاخر الساحل الشمالي . فجأة البنك المركزي يعلن:
زيادة 2 مليار و500 مليون دولار في خدمة الدين الخارجي لسنة 2025.
الزياده دي جت منين ؟ قالك: “عدلنا التقديرات… معلش!”
إجمالي خدمة الدين الخارجي ارتفع نفس السنه دي التقرير اللي فات من 22.460 مليار دولار إلى 25.030 مليار دولار.
يعني زيادة 2.570 مليار دولار دفعة واحدة.
أرقام مخيفةالمفروض مصر تدفع:
من يناير لـ يونيو 2025 → 14.1 مليار دولار
من يوليو لـ ديسمبر 2025 → 10.94 مليار دولار
البنك المركزي قال قبل كده: خدمة الدين الخارجي زادت النصف التاني من السنة المالية 2024/2025 → 21.3 مليار دولار مقابل 15.5 مليار السنة اللي قبلها.
وزاره التخطيط كمان قالت: الدين الخارجي ارتفع 1.6 مليار دولار في الربع الأول 2025، ووصل لـ 156.689 مليار دولار بنهاية مارس، مقابل 155.1 مليار في 2024.
ليه الدين زاد؟لأننا بندفع فوائد تاريخية على القروض.
بنمول العجز الحالي بعجز مستقبلي.
وبنغري المال الساخن يدخل أذون خزانة بالجنيه بفوائد وصلت 31.5%.
14 -8- أغسطس :2025
متوسط الفائدة على أذون الخزانة 6 شهور → 27.58%
لأجل سنة → 26.08%
المركزي باع في يوم واحد 88.3 مليار دولار كان المفروض يبيع 90 مليار دولار ، والمستثمرين كانوا عايزين يشتروا بأكتر من 230 مليار. بس بفايده 31.5%
وكل اسبوع نفس الحكايه اذون خزانه تصدرها الحكومه بفايده مرعبه ووقت الاستحقاق تطلع الدولارات وعليهم فايده عاليه وفايده وراء فايده عاملوا الفرق 2.750 مليار
للدرجة دي محتاجين مال ساخن…
المستقبل الأسوأسنة 2026: خدمة الدين هتوصل 25.97 مليار دولار بعد ما كانت التقديرات أقل بمليار و340 مليون.
أقساط القروض لوحدها → 21.1 مليار.
الفوائد السنوية بس → 4.87 مليار دولار.
يعني لو بعنا 3 بنوك كبار مش هنوصل للرقم ده.
الكتلة العقارية المباعةمن رأس شقير لغاية الساحل، لرأس جمصة، لآخر حتة أرض.
ستاندرد آند تشارترد قال التدفقات من بيع الأصول ديسمبر2025 (قطر والكويت) = 6 مليار دولار… 5 مليار منها هيروح على الفوائد.
التحليل الاستراتيجي:الوضع الحالي بيوضح إن:
١. مبيعات الأصول مش بتحل الأزمة، بالعكس الدين بيزيد معاها.
٢. المال الساخن حل مؤقت… بيمشي بعد ما ياخد الفوائد، ويسيب الدين أكبر.
٣.. غياب خطة خفض حقيقية بيحط الاقتصاد في حلقة مفرغة من بيع أصول + اقتراض جديد + خدمة دين متضخمة.
النتيجة: الدين بيتضاعف، والأصول بتتباع، والفوائد بتلتهم أي تدفقات. الاستراتيجية المطلوبة: إصلاح هيكلي حقيقي، استثمارات إنتاجية، وقف سياسة الترقيع بالبيع والاستدانة.“مصر مش محتاجة تبيع مستقبلها عشان تسدد حاضرها… محتاجة تعيد صياغة حاضرها عشان تملك مستقبلها.”
كفايه قروض وديون
لما صندوق النقد الدولي قال الديون الخارجيه هتوصل ٢٠٠ مليار دولار قولنا عليهم مش فاهمين حاجه
“إحنا بقينا شغالين سفاحين قروض… نسدد القديم بالجديد، ونبيع أصولنا عشان نأمن فوايد مش أصل.”
“بقينا ماشيين في نفق مظلم من القروض، واللي بيدفع تمنه في الآخر هو المواطن البسيط.”
“نعمل إيه أكتر عشان تحسوا بالمعاناة اللي الشعب عايشها؟
الشعب بيدفع التمن كل يوم… من حياته، من مستقبل ولاده، وفي كرامته اللي بتتباع مع كل قرض جديد
