أعرب الفنان آدم الشرقاوي عن امتنانه الكبير لكل من دعمه وسانده، خصوصاً بعد مشاركته مؤخرا تفاصيل معاناته الصحية خلال العامين الماضيين.

وفي منشور مؤثر عبر حسابه الرسمي على إنستغرام، كتب آدم: “شكرًا لكل الناس اللي تواصلوا معايا، وشكرًا على الردود الرهيبة. شكرًا للصحافة، ولكل الناس سواء أونلاين أو في الواقع. وعد مني: هابطل أكون حساس وغريب بعد البوست ده”.

وأضاف: “اشتغلت في مصر مع أحسن ممثلين ومخرجين، وفعلاً الناس رحبوا بيا رغم إني عشت معظم حياتي في أمريكا (وألوم أهلي على كده)، بس بعد مشاركتي في (لعبة نيوتن)، حسيت إني مرغوب ومقبول كأني ما سبتش مصر أبدا”.

واستكمل حديثه برسالة شكر عاطفية قال فيها: “الناس في مصر سمحولي أبني نفسي، واشتغلت في مشاريع كتير، رغم إن لغتي العربية مش أحسن حاجة، ورغم إني مش دايمًا فاهم الثقافة كويس، وكنت حاسس إني مش أستاهل. بس المصريين دايمًا كانوا بيسندوني. شكرًا يا مصر”.

وكان الشرقاوي قد كشف سابقًا عن تعرضه لمشاكل صحية خطيرة، بسبب زيادة الوزن، قائلاً:”من سنتين كنت تعبان جدًا، وزني كان حوالي 110 كيلو، ما كنتش قادر أتنفس كويس، وكان عندي ضباب في الدماغ، ومش فاكر أيامي، بجانب آلام شديدة في المفاصل، ومشاكل في الكلى سببتلي انتفاخ في جسمي بالكامل، بالإضافة إلى جلطات في الرجلين”.