الاعلامية دينا النبلاوى تكتب: رصيد الغلاوة
لما يكون في حياتك إنسان بتحبه ؛ ويبدأ يأذيك
مع كل مرة بتتوجع منه بتبعد عنه خطوة ؛ ورصيد محبته في قلبك يقلّ
ولأنك متعود متبعدش من أول ولا تاني غلطة ؛ بتفضل تحاول تصون اللي بينكم بكل شكل
في المقابل بتلاقي إهمال لروحك بس مع الوقت بتلاقي روحك كل يوم بتبعد نفسيًا عنه خطوة ؛ وفي نص الطريق تحس إنك لا قادر تحبه زي الأول ولا قادر تبعد ؛ مش قادر تحس بنفس الأُلفة والأمان بتوع البداية ؛ ولا أنت لسه وصلت لمرحلة إنك تمشي بضمير مستريح ؛ ورصيد الذكريات المشتركة اللي بينكم يضغط على أعصابك أكتر وأكتر ؛ بين التعلُّق والنفور ١٠٠ إحساس مختلف ؛ لا هما حب ولا كُره ؛ مرحلة رمادية بتخرج منها وأنت أقوى ؛ بس مُجهَد ومستهلَك 🖤,, ✍
حافظوا علي رصيدكم مع اللي بتحبوهم الدنيا بتديكم الهديه مره واحده بس
الفرصه بتيجي مره واحده بس
